ଜୀବନ ପ୍ରତି ନାହିଁ କୌଣସି ଭୟ, ୭୦ ଫୁଟ ଉଚ୍ଚ ଝୁଲାରେ ବସି ଝୁଲୁଛନ୍ତି ଭାଇ ଭଉଣୀ: ଭିଡିଓ ଭାଇରଲ
ସମସ୍ତଙ୍କୁ କୌଣସି ନା କୌଣସି ପ୍ରକାର ଜିନିଷକୁ ନେଇ ଡର ଲାଗିଥାଏ। କିଏ ଅଧିକ ପାଣି ଦେଖି ଡରିଯାଏ ତ ଆଉ କିଏ ଉଚ୍ଚତା ଦେଖି ଡରିଯାଏ। ପ୍ରାୟତଃ ସମସ୍ତଙ୍କୁ ନିଜ ଜୀବନ ପ୍ରତି ଭୟ ରହିଥାଏ। ହେଲେ କେହି ନିଜକୁ ଚର୍ଚ୍ଚାକୁ ଆଣିଵା ପାଇଁ ଏପରି କାମ କରି ଯାଆନ୍ତି ତାହା ସୀମା ବାହାରେ । ଯଦି କିଏ ଆପଣଙ୍କୁ କୁହେଁ କି, ୭୦ ଫୁଟ ଉପରୁ ଝୁଲାରେ ଝୁଲିକି ଶୋଇବା ପାଇଁ ହୁଏତ ଏକଥା ଶୁଣି ନିଶ୍ଚିତ ଜଣେ ଭୟ କରିବ। ଆଉ ଏକଥା ଭାବିଲା ବେଳକୁ ମନରେ କି କି ଚିନ୍ତା ଆସୁଛି । କିନ୍ତୁ ଅଷ୍ଟ୍ରେଲିଆର ଏହି ଭାଇ-ଭଉଣୀ ଏପରି ଏକ ଷ୍ଟଣ୍ଟ ଦେଖାଇଛନ୍ତି । ଯାହାକୁ ଦେଖିଲେ ହୁଏତ ଆପଣଙ୍କ ଛାତି ଧରିଯିବ, ଆପଣଙ୍କୁ ହାର୍ଟଆଟାକ ହୋଇଯିବ।
୨୩ ବର୍ଷୀୟ ସାମ ସିମୋନ୍ସ ଓ ୧୯ ବର୍ଷିୟା ଆରିନା ସିମୋନ୍ସ ଦୁଃସାହାସିକ ଷ୍ଟଣ୍ଟ କରି ଦେଖାଇଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରଲ୍ ହେବାରେ ଲାଗିଛି । ଭାଇ ଭଉଣୀଙ୍କ ଯୋଡି ଯାହା କରି ଦେଖାଇଛନ୍ତି, ତାହା ସମସ୍ତଙ୍କୁ ଆଚମ୍ବିତ କରିଦେଇଛି।
ନ୍ୟୁ ସାଉଥ ୱେଲ୍ସରେ ଛୁଟି କାଟିବାକୁ ଯାଇ ସେମାନେ ପ୍ରାୟତଃ ୭୦ ଫୁଟ ଉଚ୍ଚ ଦୁଇ ପାହାଡ ମଧ୍ୟରେ ଝୁଲୁଥିବାର ଦେଖାଯାଇଥିଲା । ସାମ୍ ୩ ମିଟର ଉଚ୍ଚରେ ଥିବାବେଳେ ତାଙ୍କ ଭଉଣୀ ଆରିନା ତାଙ୍କ ଠାରୁ ୧୦ ମିଟର ଉଚ୍ଚରେ ଥିଲେ । ଭାଇ ଓ ଭଉଣୀଙ୍କର ଏହି ସାହସିକତା ସହ ପୁରା ରାତି ସେଠାରେ ଝୁଲିକି ବିତାଇଲେ ।
View this post on Instagram
ଭାଇ ଭଉଣୀ ନିଜର ଇନଷ୍ଟା ଆକାଉଣ୍ଟରେ ଏଠାରେ ରାତି ରହିଥିବା ଭିଡିଓ ଏବଂ ଫଟୋ ମଧ୍ୟ ଅପଲୋଡ କରିଥିଲେ।ଅନେକ ଲୋକମାନେ ତାଙ୍କୁ ଦେଖିବା ପରେ ତାଙ୍କୁ ପ୍ରଶଂସା କରିଛନ୍ତି କିନ୍ତୁ ତାଙ୍କ ସୁରକ୍ଷାକୁ ନେଇ ବହୁତ ଚିନ୍ତା ପ୍ରକଟ କରିଛନ୍ତି । ଏହା ପାଇଁ ଦୁହେଁ ସେମାନଙ୍କର ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା ମଧ୍ୟ କରିଥିଲେ।
View this post on Instagram
ଡେଲି ମେଲ୍ର ସାକ୍ଷାତକାରରେ ସାମ କହିଛନ୍ତି ଯେ, ସେ ଦୀର୍ଘ ବର୍ଷ ଧରି ଏହିପରି ରହିବା ବିଷୟରେ ବହୁତ ଭାବିଥିଲେ । କିନ୍ତୁ ସେ ଏଭଳି ଠିକ୍ ସ୍ଥାନ ପାଇନଥିଲେ । ଯେତେବେଳେ ସେ ଏହି ସ୍ଥାନ ପାଇଲେ, ସେ କିଛି ନଭାବି ତୁରନ୍ତ ସେଠାକୁ ଯାଇ ନିଜ ସ୍ୱପ୍ନକୁ ପୂରଣ ପୁରା କଲେ।
