ବର୍ଷକୁ ୫୮ଲକ୍ଷ ଟଙ୍କା ରୋଜଗାର କରି ବି ଯୁବକ ସେୟାର କଲେ ଏହି ହୃଦୟସ୍ପର୍ଶୀ ନୋଟ୍
ଟଙ୍କା ସୁଖ କିଣି ପାରିବ କି?' ଲୋକମାନେ ଏହି ପ୍ରଶ୍ନରେ ଭିନ୍ନ ଭିନ୍ନ ଭାବରେ ଉତ୍ତର ରଖିଥାନ୍ତି। ଯେଉଁଥିପାଇଁ ଏପର୍ଯ୍ୟନ୍ତ ଏହାର ଏକ ଉପଯୁକ୍ତ ଉତ୍ତର ମିଳିପାରିନାହିଁ । ତେବେ ଏହି ସମୟ ଭିତରେ, ବେଙ୍ଗାଲୁରୁର ଜଣେ ୨୪ ବର୍ଷ ବୟସ୍କ ସଫ୍ଟୱେୟାର ଇଞ୍ଜିନିୟର ଯିଏକି ଟଙ୍କା ଏବଂ ଏକଲାପଣ ଉପରେ ନିଜର ହୃଦୟସ୍ପର୍ଶୀ ନୋଟ୍ ଲେଖି ସୋସିଆଲ ମିଡିଆରେ ବିତର୍କ ସୃଷ୍ଟି କରିଛନ୍ତି।
ଟଙ୍କା ସୁଖ କିଣି ପାରିବ କି?’ ଲୋକମାନେ ଏହି ପ୍ରଶ୍ନରେ ଭିନ୍ନ ଭିନ୍ନ ଭାବରେ ଉତ୍ତର ରଖିଥାନ୍ତି। ଯେଉଁଥିପାଇଁ ଏପର୍ଯ୍ୟନ୍ତ ଏହାର ଏକ ଉପଯୁକ୍ତ ଉତ୍ତର ମିଳିପାରିନାହିଁ । ତେବେ ଏହି ସମୟ ଭିତରେ, ବେଙ୍ଗାଲୁରୁର ଜଣେ ୨୪ ବର୍ଷ ବୟସ୍କ ସଫ୍ଟୱେୟାର ଇଞ୍ଜିନିୟର ଯିଏକି ଟଙ୍କା ଏବଂ ଏକଲାପଣ ଉପରେ ନିଜର ହୃଦୟସ୍ପର୍ଶୀ ନୋଟ୍ ଲେଖି ସୋସିଆଲ ମିଡିଆରେ ବିତର୍କ ସୃଷ୍ଟି କରିଛନ୍ତି।
ସେ କିପରି ଭାବରେ ବାର୍ଷିକ ୫୮ ଲକ୍ଷ ଟଙ୍କା ରୋଜଗାର କରନ୍ତି ଏବଂ ଏପର୍ଯ୍ୟନ୍ତ ଏକୁଟିଆ ଥବା ସହିତ ଏକ ଉଦାସୀନ ଜୀବନ ବିତାଉଛନ୍ତି ସେନେଇ ବାଖ୍ୟା କରିଛନ୍ତି । ତାଙ୍କ କାହାଣୀକୁ ସେୟାର କରି ସେ ଲେଖିଛନ୍ତି, “ଜୀବନରେ ସବୁ ପରିପୂର୍ଣ୍ଣ ଅନୁଭବ କରୁଛି। ମୁଁ ବାଙ୍ଗାଲୋରରେ ୨.୯ ବର୍ଷର ଅଭିଜ୍ଞତା ଥିବା ଏକ FAANG କମ୍ପାନୀରେ ୨୪ ବର୍ଷ ବୟସ୍କ ସଫ୍ଟୱେର୍ ଇଞ୍ଜିନିୟର। ମୁଁ ଭଲ ରୋଜଗାର କରେ ଏବଂ କିଛି ମାତ୍ରାରେ ଆରାମଦାୟକ କାମ କରୁଛି। ”
“ତଥାପି, ମୁଁ ମୋ ଜୀବନରେ ସବୁବେଳେ ଅତିଷ୍ଠ ଏବଂ ଏକାକୀ ଥାଏ । ମୋ ସହ ସମୟ ଅତିବାହିତ କରିବାକୁ ମୋର କୌଣସି ଗର୍ଲଫ୍ରେଣ୍ଡ ନାହିଁ । ଏହାସହ ମୋର ଅନ୍ୟ ସମସ୍ତ ସାଙ୍ଗମାନେ ସେମାନଙ୍କ ନିଜ ଜୀବନରେ ଖୁବ୍ ବ୍ୟସ୍ତ ଅଛନ୍ତି। ଏପରିକି ମୋର କାର୍ଯ୍ୟ ଜୀବନ ଏକଚାଟିଆ। କାରଣ ମୁଁ ମୋର କ୍ୟାରିୟର ଆରମ୍ଭରୁ ସମାନ କମ୍ପାନୀ ସହିତ ରହିଆସିଛି ଏବଂ ପ୍ରତିଦିନ ସମାନ କାର୍ଯ୍ୟ କରୁଛି। ଏହାସହ ମୁଁ ଆଉ କାର୍ଯ୍ୟରେ ନୂତନ ଚ୍ୟାଲେଞ୍ଜ ଏବଂ ଅଭିବୃଦ୍ଧିର ସୁଯୋଗକୁ ଅପେକ୍ଷା କରିନାହିଁ । ”
ତେବେ ସେ ଏହି ପୋଷ୍ଟରେ ପ୍ରଶ୍ନ ପଚାରିଥିଲେ, “ମୋ ଜୀବନକୁ ଅଧିକ ଆକର୍ଷଣୀୟ କରିବା ପାଇଁ ମୁଁ କଣ କରିବା ଉଚିତ ଦୟାକରି ପରାମର୍ଶ ଦିଅନ୍ତୁ।” ତାଙ୍କ ପୋଷ୍ଟ ସୋସିଆଲ ମିଡିଆରେ ଏକ ବିତର୍କ ଆରମ୍ଭ କରିଛି। ଯେଉଁଥିରେ ଅନେକ ଉପଭୋକ୍ତା ମନ୍ତବ୍ୟ ବିଭାଗରେ ନିଜର ମତ ଦେଇଛନ୍ତି। ଜଣେ ଉପଭୋକ୍ତା ଲେଖିଛନ୍ତି “ମୋର କିଛି ବନ୍ଧୁ ମୋତେ ସମାନ କଥା କହିଥିଲେ ଏବଂ ମୁଁ ମଧ୍ୟ ଏହାକୁ ଅନେକ ଥର ଅନୁଭବ କରେ। ଖାଲି ସେତିକି ନୁହେଁ ସବୁବେଳେ ନିଜକୁ ଏକୁଟିଆ, ସନ୍ତୁଷ୍ଟ ଏବଂ ଚିନ୍ତିତ ଅନୁଭବ କରେ ।
ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, “ସଂଘର୍ଷ ବାସ୍ତବ ଅଟେ।” ସେହିଭଳି ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, “ମୁଁ ଯେତେବେଳେ ଛୋଟ ଥିଲି, ମୁଁ ଭାବୁଥିଲି ବୟସ୍କମାନେ ମୁକ୍ତ ଏବଂ ଖୁସି । ଏବେ ମୁଁ ବଡ଼ ହୋଇଗଲି ଏବଂ ମୁଁ ଜାଣୁଛି ଯେ ସମସ୍ତେ ଏକାକୀ ଏବଂ ଉଦାସୀନ ଅଟନ୍ତି, ଯଦିଓ ଭଲ ରୋଜଗାର କରନ୍ତି । ଅନ୍ୟ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି, “ମୁଁ ନିଶ୍ଚିତ ଯେ ଗର୍ଲଫ୍ରେଣ୍ଡ ଖୋଜିବା ସମାଧାନ ନୁହେଁ।