ସାଧାରଣତଃ ଯେଉଁଠି ଲୋକମାନଙ୍କୁ Czechoslovakia (ଚେକୋଶ୍ଲୋବାକୀୟା) ଭଳି ଇଂରାଜୀ ଶବ୍ଦକୁ ପଢ଼ିବାକୁ ମୁସ୍କିଲ ହୋଇଥାଏ ସେଠାରେ ଇଂରାଜୀର ଏପରି ଏକ ଶବ୍ଦ ଅଛି ଯାହାକୁ ଉଚ୍ଚାରଣ କରିବା ପାଇଁ ସାଢେ ତିନି ଘଣ୍ଟା ଲାଗିଥାଏ । ବର୍ତ୍ତମାନ ଆପଣ ଭାବୁଥିବେ କି ଏପରି କେଉଁ ଶବ୍ଦ ଅଛି ଯାହାକୁ ଉଚ୍ଚାରଣ କରିବା ପାଇଁ ଏତେ ସମୟ ଲାଗିବ ? ତାହେଲେ ଆସନ୍ତୁ ଜାଣିବା ଏହି ଇଂରାଜି ଶବ୍ଦ ବିଷୟରେ ।
ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଇଂରାଜୀର ସବୁଠାରୁ ଲମ୍ବା ଶବ୍ଦ ୧,୮୯,୮୧୯ ଅକ୍ଷର ବିଶିଷ୍ଟ ଅଟେ ଏବଂ ଆପଣଙ୍କୁ ଏହାର ଠିକ ଉଚ୍ଚାରଣ କରିବା ପାଇଁ ପ୍ରାୟ ସାଢେ ତିନି ଘଣ୍ଟା ସମୟ ଲାଗିବ । ଏହି ଶବ୍ଦଟି ମଣିଷ ଶରୀର ଭିତରେ ଦେଖାଯାଉଥିବା ଟିଟିନ ନାମକ ଏକ ପ୍ରୋଟିନର ରାସାୟନିକ ନାମ ଅଟେ ।
ବୈଜ୍ଞାନିକ ମାନଙ୍କ ମତରେ ମଣିଷ ଶରୀରରେ ୨୦ ଲକ୍ଷରୁ ମଧ୍ୟ ଅଧିକ ପ୍ରୋଟିନ ରହିଥାଏ ଯାହାକି ଅମିନୋ ଏସିଡ ଦ୍ୱାରା ତିଆରି ହୋଇଥାଏ । ମଣିଷ ଶରୀର ମଧ୍ୟରେ ଟିଟିନ ସବୁଠାରୁ ଲମ୍ବା ପ୍ରୋଟିନ ଅଟେ ଯେଉଁଥିରେ ୨୬ ହଜାରରୁ ଅଧିକ ଅମିନୋ ଏସିଡ ରହିଥାଏ ।
ଏହାସହ ପଢନ୍ତୁ ମଣିଷ ଜୀବନ ଭଗବାନଙ୍କ ଦାନ; ଏହାକୁ ଏଭଳି ଭାବେ ଶେଷ କର ନାହିଁ
ପୂର୍ବରୁ ଟିଟିନର ରାସାୟନିକ ନାମକୁ ଇଂରାଜୀ ଶବ୍ଦକୋଷରେ ରଖାଯାଇଥିଲା କିନ୍ତୁ ଯେତେବେଳେ ଏହି ନାମ କାରଣରୁ ଅସୁବିଧା ସୃଷ୍ଟି ହେଲା ସେତେବେଳେ ଏହାକୁ ଶବ୍ଦ କୋଷରୁ ହଟାଇ ଦିଆଗଲା । ବର୍ତ୍ତମାନ ଏହାକୁ କେବଳ ଟିଟିନ ନାମରେ ଜଣାଯାଉଛି ।
୧୯୫୪ ମସିହାରେ ରେଜି ନଟୋରି ନାମକ ଜଣେ ବ୍ୟକ୍ତି ଟିଟିନ ପ୍ରୋଟିନର ଆବିଷ୍କାର କରିଥିଲେ । ଏହାପରେ ୧୯୭୭ ମସିହାରେ କୋଶକ ମାରୁୟମା ଏବଂ ତାଙ୍କର ସହଯୋଗୀମାନେ ମିଶି ଏହା ଉପରେ ଗବେଷଣା କରିଥିଲେ ଏବଂ ଏହି ପ୍ରୋଟିନର ନାମ କୋନୋକ୍ଟିନ ରଖିଥିଲେ । ଏହାର ଦୁଇବର୍ଷ ପରେ କୁଆନ ବାଙ୍ଗ ଏବଂ ତାଙ୍କର ସହଯୋଗୀମାନେ ମଧ୍ୟ ଏହା ଉପରେ ଗବେଷଣା କରିଥିଲେ ଏବଂ ଏହାର ନାମ ଟିଟିନ ରଖିଥିଲେ ।