ଏହି ଦିନରୁ ଆରମ୍ଭ ହେଉଛି ପୌଷ ମାସ… ଏମିତି କରନ୍ତୁ ସୂର୍ଯ୍ୟ ଭଗବାନଙ୍କ ପୂଜା; ଚିନି ବଦଳରେ ଖାଆନ୍ତୁ ଗୁଡ଼, ପିଅନ୍ତୁ ନାହିଁ ଥଣ୍ଡା ପାଣି
ହିନ୍ଦୁ କ୍ୟାଲେଣ୍ଡର ଅନୁସାରେ, ବର୍ଷର ଦଶମ ମାସର ନାଁ ହେଉଛି ପୌଷ। ଏହି ମାସରେ ସୂର୍ଯ୍ୟଙ୍କ ଉପାସନା କରାଯାଇଥାଏ। ଏହି ମାସ ମାର୍ଗଶୀର ମାସ ପରେ ଆସିଥାଏ। ଚଳିତ ବର୍ଷ ୨୦ ଡିସେମ୍ବର ସୋମବାରଠାରୁ ପୌଷ ମାସ ଆରମ୍ଭ ହେବାକୁ ଯାଉଛି। ଏହି ମାସ ୧୭ ଜାନୁଆରୀରେ ଶେଷ ହେବ। ପୌଷ ମାସ ଭଗବାନ ସୂର୍ଯ୍ୟ ଏବଂ ନାରାୟଣଙ୍କ ପୂଜା ପାଇଁ ସମର୍ପିତ ହୋଇଥାଏ। ପୌଷ ମାସରେ ସୂର୍ଯ୍ୟଙ୍କ ଉପାସନା ସ୍ୱତନ୍ତ୍ର ବୋଲି ବିବେଚନା କରାଯାଏ। ଏମିତିରେ ଆସନ୍ତୁ ଜାଣିବା, ଏହି ମାସରେ କେମିତି କରାଯାଏ ସୂର୍ଯ୍ୟଦେବଙ୍କ ଉପାସନା ଏବଂ କ’ଣ ରହିଛି ଏହାର ଖାସ୍ ମହତ୍ତ୍ୱ।
ପୌଷ ମାସର ମହତ୍ତ୍ୱ
ପୌଷ ମାସରେ ସୂର୍ଯ୍ୟଙ୍କ ଉପାସନର ଏକ ବିଶେଷ ମହତ୍ତ୍ୱ ରହିଛି। ଏହି ମାସରେ ସୂର୍ଯ୍ୟଦେବଙ୍କ ଉପାସନା ଭଗ ନାମରେ କରାଯିବା ଉଚିତ୍। ଭଗ ନାମକୁ ଈଶ୍ୱରଙ୍କ ସ୍ୱରୂପ ବୋଲି ବିବେଚନା କରାଯାଏ। ପୌଷ ମାସରେ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କରିବା ଏବଂ ଉପବାସ ରଖିବାର ବିଶେଷ ମହତ୍ତ୍ୱ ରହିଛି। ଏହା ବ୍ୟତୀତ ପୌଷ ମାସକୁ ପିତୃପୁରୁଷଙ୍କୁ ମୁକ୍ତି ଦେବାର ମାସ ବୋଲି ଗଣାଯାଏ, ଯାହାକୁ ମିନି ପିତୃପକ୍ଷ କୁହାଯାଇଥାଏ।
ବାସ୍ତବରେ, ପୌଷ ମାସରେ ସୂର୍ଯ୍ୟ ଧନୁ ରାଶିରେ ପ୍ରବେଶ କରି ଥାଆନ୍ତି। ଧନୁ ରାଶିରେ ସୂର୍ଯ୍ୟ ପ୍ରବେଶ କରିବା ମାତ୍ରେ ହିଁ ସମସ୍ତ ଶୁଭ କାର୍ଯ୍ୟ ବନ୍ଦ ହୋଇ ଯାଇଥାଏ। ସୂର୍ଯ୍ୟ ଧନୁ ରାଶିରେ ପ୍ରବେଶ କରିବା କ୍ଷଣି ଏପଟେ ପିଣ୍ଡଦାନର ଗୁରୁତ୍ୱ ବଢ଼ି ଯାଇଥାଏ। ଶାସ୍ତ୍ରରେ ପୌଷ ମାସକୁ ନେଇ କୁହାଯାଇଛି ଯେ ଏହି ମାସରେ ଯେଉଁ ପିତୃପୁରୁଷଙ୍କର ପିଣ୍ଡଦାନ କରାଯାଇଥାଏ, ସେମାନେ ତୁରନ୍ତ ବୈକୁଣ୍ଠ ଲୋକରେ ବାସ କରିବାକୁ ଚାଲି ଯାଇଥାଆନ୍ତି। ଏହି ମାସରେ ପ୍ରତ୍ୟେକ ରବିବାର ବ୍ରତ ଓ ଉପବାସ ରଖିବା ଏବଂ ରାଶି ଓ ଚାଉଳର ଖେଚୁଡ଼ି ଭୋଗ ଲଗାଇବା ଦ୍ୱାରା ମନୁଷ୍ୟ ତେଜସ୍ୱୀ ହୋଇ ଯାଇଥାଏ।
ପୌଷ ମାସରେ ଏହିଭଳି କରନ୍ତୁ ସୂର୍ଯ୍ୟଙ୍କ ଉପାସନା
-ପ୍ରତିଦିନ ଗାଧୋଇବା ପରେ ସୂର୍ଯ୍ୟ ଭଗବାନଙ୍କୁ ଜଳ ଅର୍ପଣ କରନ୍ତୁ।
-ତମ୍ବା ପାତ୍ରରୁ ଜଳ ଅର୍ଘ୍ୟ ଅର୍ପଣ କରିବା ଉଚିତ୍।
-ଜଳରେ ରୋଲି, ନାଲି ଫୁଲ ଏବଂ ଅକ୍ଷତ ପକାଇବା ଶୁଭ ହୋଇଥାଏ।
-ଅର୍ଘ୍ୟ ଦେବା ସମୟରେ ‘ଓଁ ଆଦିତ୍ୟାୟ ନମଃ’ ଜପ କରନ୍ତୁ।
ପୌଷ ମାସରେ ଏହି ସତର୍କତା ଅବଲମ୍ବନ କରନ୍ତୁ
ଏହି ମାସରେ ମଦ, ମାଂସ ସେବନ କରିବା ଉଚିତ୍ ନୁହେଁ। ଚିନି ବଦଳରେ ଗୁଡ଼ ସେବନ କରିବା ଉତ୍ତମ ହୋଇଥାଏ। ଏହି ମାସରେ ଥଣ୍ଡା ପାଣି ବ୍ୟବହାର କରିବା ଏବଂ ବହୁତ ଅଧିକ ଭୋଜନ କରିବା କ୍ଷତିକାରକ ହୋଇଥାଏ।