ହିନ୍ଦୁ ଧର୍ମରେ ମହାବୀର ବଜରଙ୍ଗୀ ବା ହନୁମାନଙ୍କୁ ସବୁ ସଙ୍କଟରୁ ମୁକ୍ତି ଦେଉଥିବା ଭଗବାନ ବୋଲି କୁହାଯାଏ। ଶାସ୍ତ୍ର ମୁତାବକ, କଳିଯୁଗରେ ହନୁମାନଙ୍କୁ ପୂଜା କଲେ ସବୁ ସଙ୍କଟ ଦୂର ହୋଇଥାଏ ଓ ସଫଳତା ମିଳେ। ହନୁମାନଙ୍କ ପଞ୍ଚମୁଖୀ ଅବତାରରେ ପ୍ରଥମ ମୁହଁ ବାନର, ଦ୍ୱିତୀୟ ଗରୁଡ଼, ତୃତୀୟ ବରାହ, ଚତୁର୍ଥ ଅଶ୍ୱ ଓ ପଞ୍ଚମ ମୁଖ ନୃସିଂହଙ୍କର ରହିଛି। କୁହାଯାଏ, ହନୁମାନଙ୍କର ଏହି ୫ଟି ସ୍ୱରୂପ ଭକ୍ତଙ୍କ ସବୁ ସମସ୍ୟାକୁ ଦୂର କରେ।
ମାନ୍ୟତା ରହିଛି ଯେ ମଙ୍ଗଳବାର ଓ ଶନିବାର ପଞ୍ଚମୁଖୀ ହନୁମାନଙ୍କୁ ପୂଜା କରିବା ଦ୍ୱାରା ଅଟକିଥିବା କାମ ସମ୍ପୂର୍ଣ୍ଣ ହୁଏ। ମଣିଷର ସବୁ ସଙ୍କଟ ଦୂର ହୁଏ। ବାସ୍ତୁ ଶାସ୍ତ୍ର ଅନୁସାରେ, ପଞ୍ଚମୁଖୀ ହନୁମାନଙ୍କ ଫଟୋ କିମ୍ବା ମୂର୍ତ୍ତିକୁ ଘରର ଦକ୍ଷିଣ-ପଶ୍ଚିମ କୋଣରେ ରଖିବା ଉଚିତ। ଏହା ଦ୍ୱାରା ଘରର ବାସ୍ତୁ ଦୋଷ ଦୂର ହୁଏ ଓ ଘର ବିପଦମୁକ୍ତ ରହେ। ତେବେ ଆସନ୍ତୁ ଜାଣିବା ପଞ୍ଚମୁଖୀ ହନୁମାନଙ୍କୁ ପୂଜା କରିବା ଦ୍ୱାରା କି କି ଲାଭ ମିଳେ…
- ମଙ୍ଗଳବାର ଦିନ ପଞ୍ଚମୁଖୀ ହନୁମାନଙ୍କୁ ଫଳରେ ଡାଳିମ୍ବ ଓ ମିଠାରେ କେସର ଲଡୁ ଭୋଗ ଲଗାଇବା ଦ୍ୱାରା ଇଣ୍ଟରଭ୍ୟୁରେ ସଫଳତା ମିଳିଥାଏ। ଏହା ଦ୍ୱାରା ତୁରନ୍ତ ଚାକିରି ମିଳେ।
- ପରିବାର ମଧ୍ୟରେ କଳି ଝଗଡ଼ା, ପାଟି ତୁଣ୍ଡ ହେଉଥିଲେ ମଙ୍ଗଳବାର ପଞ୍ଚମୁଖୀ ହନୁମାନଙ୍କ ମୂର୍ତ୍ତି ସାମ୍ନାରେ ବସି ଶ୍ରୀରାମ ରକ୍ଷା ସ୍ତ୍ରୋତ୍ର ପାଠ କରନ୍ତୁ। ଏହା ଦ୍ୱାରା ପରିବାର ସଦସ୍ୟଙ୍କ ମଧ୍ୟରେ ଭଲ ପାଇବା ବଢ଼େ ଓ ଶାନ୍ତି ବଜାୟ ରହେ।
- ଯଦି କୋର୍ଟରେ କୌଣସି ପୁରୁଣା କେସ୍ ଗଡ଼ି ଚାଲିଛି ତେବେ ମଙ୍ଗଳବାର ପଞ୍ଚମୁଖୀ ହନୁମାନଙ୍କ ସାମ୍ନାରେ ଦେଶୀ ଘିଅର ଦୀପ ଜଳାନ୍ତୁ ଓ ବଜରଙ୍ଗ ବାଣ ପାଠ କରନ୍ତୁ। ଏହା ଦ୍ୱାରା କୋର୍ଟ କଚେରୀ ଝିନ୍ଝଟ୍ରୁ ମୁକ୍ତି ମିଳେ।
- କିଛି କାମ ଅଟକି ଯାଇଥିଲେ ପଞ୍ଚମୁଖୀ ହନୁମାନଙ୍କ ସାମ୍ନାରେ ନଡ଼ିଆ ସହ ଚାଉଳ, ସିନ୍ଦୁର ଓ ହଳଦିଆ ଫୁଲ ଅର୍ପଣ କରନ୍ତୁ। ସବୁ କାମରେ ସଫଳତା ମିଳିବ।