୯୪ ବର୍ଷ ବୟସରେ ସ୍ବର୍ଣ୍ଣ ପଦକ ଜିତିଲେ ଭାଗଵାନୀ ଦେବୀ, ବିଭିନ୍ନ ପ୍ରାନ୍ତରୁ ଛୁଟୁଛି ପ୍ରଶଂସାର ସୁଅ
ଭାରତର ୯୪ ବର୍ଷୀୟା ସ୍ପ୍ରିଣ୍ଟର ଭାଗଵାନୀ ଦେବୀ ଦାଗର ଫିନଲାଣ୍ଡର ଟଂପେରେରେ ଅନୁଷ୍ଠିତ ବିଶ୍ୱ ମାଷ୍ଟର୍ସ ଆଥଲେଟିକ ଚମ୍ପିୟାନସିପରେ ସ୍ବର୍ଣ୍ଣ ପଦକ ଜିତିଛନ୍ତି । ମାତ୍ର ୨୪.୭୪ ସେକେଣ୍ଡର ସମୟ ମଧ୍ୟରେ ନିଜ ଲକ୍ଷ ହାସଲ କରି ଭାଗଵାନୀ ଦେବୀ ଏହି ବିଜୟ ହାସଲ କରିଥିବା ନେଇ ଯୁବ କ୍ରୀଡା ମନ୍ତ୍ରାଳୟ ପକ୍ଷରୁ ଟ୍ୱିଟ ଜରିଆରେ ସୂଚନା ଦିଆଯାଇଛି ।
କହିରଖିବା ଉଚିତ ହେବକି ବିଶ୍ୱ ମାଷ୍ଟର୍ସ ଆଥଲେଟିକ ଚାମ୍ପିୟାନସିପ ୩୫ ବର୍ଷ କିମ୍ବା ତଦ୍ଦୃତ ବୟସର ଆଥଲେଟଙ୍କ ପାଇଁ ଅନୁଷ୍ଠିତ ହୋଇଥାଏ । ଚଳିତ ବର୍ଷ ଏହି ଚାମ୍ପିୟାନସିପ ଜୁନ ୨୯ ତାରିଖରୁ ଜୁଲାଇ ୧୦ତାରିଖ ପର୍ଯ୍ୟାନ୍ତ ଖେଳାଯାଇଥିଲା ।
#WATCH Delhi | 94-year-old Bhagwani Devi Dagar celebrates her feat of winning gold and 2 bronze for India at the World Masters Athletics championships 2022 in Finland.
Visuals from Delhi airport. pic.twitter.com/FHtjV4vTDn
— ANI (@ANI) July 12, 2022
ଶ୍ରୀମତୀ ଭାଗଵାନୀ ଦେବୀଙ୍କ ସାହସ ଓ ଦକ୍ଷତାକୁ ଦେଶର ବିଭିନ୍ନ ପ୍ରାନ୍ତରୁ ପ୍ରଶଂସାର ସୁଅ ଛୁଟିବାରେ ଲାଗିଛି । ଅନୁରାଗ କଶ୍ୟପ, ହରଦୀପ ସିଂହ ପୁରୀ, ପିୟୁଷ ଗୋୟଲଙ୍କ ପରି ମନ୍ତ୍ରୀମାନେ ବି ଶ୍ରୀମତୀ ଭାଗଵାନୀଙ୍କୁ ଶୁଭେଚ୍ଛା ଜଣାଇଛନ୍ତି । ଏହା ବ୍ୟତୀତ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ହରିୟାଣା ମୁଖ୍ୟମନ୍ତ୍ରୀ ମନହୋର ଲାଲ ଖଟ୍ଟର ପ୍ରମୁଖ ଶୁଭେଚ୍ଛା ଜଣାଇଛନ୍ତି ।
ବିଭିନ୍ନ ମହଲରୁ ମଧ୍ୟ ଭାଗଵାନୀ ଦେବୀଙ୍କ ପାଇଁ ପ୍ରଶଂସାର ସୁଅ ଛୁଟିବାରେ ଲାଗିଛି । ଜଣେ ୟୁଜର ତାଙ୍କୁ ସୁପର ଲେଡିର ଆଖ୍ୟା ଦେଇଛନ୍ତି । ଆଉ କହିଛନ୍ତିକି ଆପଣଙ୍କ କାମ ଯୁବ ସମାଜକୁ ନିଶ୍ଚିତ ରୂପେ ପ୍ରେରିତ କରିବ ।