ଟିମ୍ ଇଣ୍ଡିଆର ଜର୍ସିରୁ ଖୁବଶୀଘ୍ର ହଟିଯିବ BYJU’S ଏବଂ MPL ର ନାମ, କଣ୍ଟ୍ରାକ୍ଟ ଶେଷ କରିବାକୁ ନିଷ୍ପତ୍ତି ନେଲା କମ୍ପାନୀ
ଭାରତୀୟ କ୍ରିକେଟ ଟିମର ଦୁଇଟି ବଡ଼ ପ୍ରୟୋଜକ BYJU’S ଏବଂ MPL Sports ବିସିସିଆଇ ସହିତ ନିଜର କଣ୍ଟ୍ରାକ୍ଟ ସମାପ୍ତ କରିବାକୁ ଚାହୁଁଛି । ଜୁନରେ BYJUS ପାଖାପାଖି ୩.୫୦ କୋଟି ଡଲାରରେ ବିସିସିଆଇ ସହିତ ନଭେମ୍ବର ୨୦୨୩ ପର୍ଯ୍ୟନ୍ତ କଣ୍ଟ୍ରାକ୍ଟ କରିଥିଲା । କିନ୍ତୁ ଏବେ ବାୟଜୁସ ବିସିସିଆଇ ସହିତ ନିଜର ଚୁକ୍ତି ସମାପ୍ତ କରିବାକୁ ଚାହୁଁଛି । କିନ୍ତୁ ବିସିସିଆଇ ବାୟଜୁସକୁ ଅତିକମ୍ରେ ମାର୍ଚ୍ଚ ୨୦୨୩ ପର୍ଯ୍ୟନ୍ତ ଚୁକ୍ତି ରଖିବାକୁ କହିଛି ।
ଖବର ମୁତାବକ, ବିସିସିଆଇକୁ ବାୟଜୁସ ୪ ନଭେମ୍ବର ୨୦୨୨ରେ ଏକ ଇମେଲ୍ ପଠାଇଥିଲା, ଯେଉଁଥିରେ ଟି ୨୦ ବିଶ୍ୱକପ ପରେ ଚୁକ୍ତି ସମାପ୍ତ କରିବାକୁ ଅନୁରୋଧ ମଧ୍ୟ କରିଥିଲା। ଏହା ସହିତ ମାର୍ଚ୍ଚ ୨୦୨୩ ପର୍ଯ୍ୟନ୍ତ ସହଭାଗିତା ରଖିବାକୁ କହିଥିଲା ।
ଏହି ମାମଲାରେ ବିସିସିଆଇର ପରିଷଦ ଚର୍ଚ୍ଚା ମଧ୍ୟ କରିଥିଲା । ୨୦୧୯ରେ ବାୟଜୁସ ଓପ୍ପୋର ସ୍ଥାନ ନେଇଥିଲା । ବାୟଜୁସ ୨୦୨୨ରେ ଫିଫା ବିଶ୍ୱକପର ପ୍ରୟୋଜକ ହୋଇଥିଲା । ଟିମ୍ କିଟ୍ ଏବଂ ମର୍ଚଣ୍ଡାଇଜ ପ୍ରୟୋଜକ ଏମପିଏଲ ମଧ୍ୟ ବିସିସିଆଇକୁ କହିଛନ୍ତି, ଏମପିଏଲ ନିଜର ଅଧିକାର କେକେସିଏଲକୁ ଦେବାକୁ ଚାହୁଁଛି। ଏମପିଏଲ୍ ସହିତ ୩୧ ଡିସେମ୍ବର ୨୦୨୩ ପର୍ଯ୍ୟନ୍ତ ଚୁକ୍ତି ବୈଧ ରହିଛି। ଏମପିଏଲ୍ ନଭେମ୍ବର ୨୦୨୦ରେ NIKE ର ସ୍ଥାନ ନେଇଥିଲା ।
ଖବର ଅନୁଯାୟୀ, ବିସିସିଆଇ ଡିସେମ୍ବର ୨, ୨୦୨୨ ରେ MPL ସ୍ପୋର୍ଟସରୁ ଏକ ଇମେଲ ପାଇଥିଲା, ଯେଉଁଥିରେ ସେ ଏହାର କଣ୍ଟ୍ରାକ୍ଟ ସଂପୂର୍ଣ୍ଣ ଭାବେ ଡିସେମ୍ବର ୧, ୨୦୨୩ ରୁ ଡିସେମ୍ବର ୩୧, ୨୦୨୩ ପର୍ଯ୍ୟନ୍ତ ‘କେବଳ କେକେକେଏଲ(ଫ୍ୟାଶନ ବ୍ରାଣ୍ଡ) କୁ ଦେଇଥିଲେ ।
ଇମେଲ ମୁତାବକ, ମାର୍ଚ୍ଚ ୩୧, ୨୦୨୩ ପର୍ଯ୍ୟନ୍ତ ଆସୋସିଏସନ ଜାରି ରଖିବାକୁ କିମ୍ବା ଡାହାଣ ଛାତିରେ କେବଳ ‘ଲୋଗୋ’ ଧାରଣ କରିଥିବା ଚୁକ୍ତିନାମା କରିବାକୁ MPL ସ୍ପୋର୍ଟସକୁ କହିଛୁ, କିନ୍ତୁ କିଟ୍ ଯୋଗାଇବା କଣ୍ଟ୍ରାକ୍ଟ ନୁହେଁ। ଏହା ପୂର୍ବରୁ ପେଟିଏମ୍ ଭାରତୀୟ କ୍ରିକେଟର ଘରୋଇ ସିଜନ ପାଇଁ ‘ମାଷ୍ଟରକାର୍ଡ’କୁ’ ଟାଇଟଲ୍ ‘ପ୍ରାୟୋଜକ ଚୁକ୍ତି ଦେଇଥିଲା।