ବାଂଲାଦେଶ-ଭାରତ ମହିଳା ଦିନିକିଆ ମ୍ୟାଚ୍ : ଅମ୍ପାୟରଙ୍କ ନିଷ୍ପତ୍ତିରେ ନିରାଶ ହୋଇ ଷ୍ଟମ୍ପକୁ ପିଟିଲେ ହରମନପ୍ରୀତ, ଭିଡିଓ ଭାଇରଲ
ବାଂଲାଦେଶ ଭାରତ ମଧ୍ୟରେ ଢାକାରେ ଚାଲିଥିବା ଦିନିକିଆ ମ୍ୟାଚ୍ ଟାଇ ରହିଛି । ଏହି ମ୍ୟାଚରେ ଅମ୍ପାୟରଙ୍କ ନିଷ୍ପତ୍ତିରେ ନିରାଶକୁ ହୋଇ ଷ୍ଟମ୍ପକୁ ବ୍ୟାଟରେ ପିଟିଥିଲେ ଅଧିନାୟିକା ହରମନପ୍ରୀତ । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି ।
ବର୍ତ୍ତମାନ ବାଂଲାଦେଶରେ ଦିନିକିଆ ସିରିଜ ଖେଳୁଛି ଭାରତୀୟ ମହିଳା କ୍ରିକେଟ ଟିମ୍ । ଢାକାର ଶେର ବାଂଲା ନ୍ୟାସନାଲ ଷ୍ଟାଡିୟମରେ ଚାଲିଥିବା ତୃତୀୟ ଦିନିକିଆ ମ୍ୟାଚ୍ ଟାଇ ରହିଥିଲା । ଏହି ମ୍ୟାଚରେ ଭାରତୀୟ ଟିମର ଅଧିନାୟକ ହରମନପ୍ରୀତ କୌର ଅମ୍ପାୟରଙ୍କ ନିଷ୍ପତ୍ତିକୁ ନେଇ ନାରାଜ ରହିଛନ୍ତି । ଆଉ ଆଉଟ୍ ହେବା ପରେ ରାଗରେ ଓ୍ଵିକେଟକୁ ବାଟରେ ପିଟିଦେଇଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି ।
ପ୍ରଥମେ ବ୍ୟାଟିଂ କରି ଭାରତ ୨୨୬ ରନ୍ର ଟାର୍ଗେଟ ଦେଇଥିଲା ବାଂଲାଦେଶ ମହିଳା କ୍ରିକେଟ ଟିମ୍ । ୨୨୬ ରନକୁ ଟାର୍ଗେଟ କରି ମଇଦାନକୁ ଓହ୍ଲାଇଥିଲା ଟିମ୍ । ଭାରତୀୟ ଟିମ୍ ଚତୁର୍ଥ ଓ୍ଵିକେଟ ଭାବେ ହରମନପ୍ରୀତଙ୍କର ହରାଇଥିଲା । ଏହି ଓ୍ଵିକେଟ ୩୪ ଓଭରର ୪ର୍ଥ ବଲରେ ହୋଇଥିଲା । ହରମନପ୍ରୀତ ସ୍ୱିପ ସର୍ଟ ଖେଳିବାକୁ ଚେଷ୍ଟା କରୁଥିବା ବେଳେ ବଲ୍ ତାଙ୍କ ପ୍ୟାଡରେ ଲାଗିଥିଲା । ଯାହା ପରେ ବୋଲର ନାହିଦା ଅଖତର ଅମ୍ପାୟର ଅପିଲ କରିଥିଲେ । ଆଉ ଅମ୍ପାୟର ଏଲବିଡବ୍ଲ୍ୟୁ ଆଉଟ୍ ଦେଇଥିଲେ । ହରମନପ୍ରୀତ ଅମ୍ପାୟରଙ୍କ ନିଷ୍ପତ୍ତିରେ ନିରାଶ ହୋଇଯାଇଥିଲେ ।
ସେ ପାଭିଲିୟନ ଫେରୁଥିବା ବେଳେ ରାଗରେ ବ୍ୟାଟକୁ ଷ୍ଟମ୍ପରେ ବାଡେଇ ଦେଇଥିଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଏହାଛଡା ପାଭିଲିୟନ ଫେରୁଥିବା ବେଳେ ସେ ଅମ୍ପାୟରଙ୍କୁ କିଛି କହୁଥିବାର ମଧ୍ୟ ଦେଖିବାକୁ ମିଳିଛି । ହରମନପ୍ରୀତ ୨୧ ବଲରେ ୨ଟି ଚଉକା ମାରି ୧୪ ରନ୍ କରିଥିଲେ ।
IND-W captain Harmanpreet hit the stumps, shouts at the umpire then showed middle finger & thumb to the fans after given LBW by the umpire, claiming it was bat. little did she know the catch was taken as well by the fielder. Again complained about the umpire at match presentation pic.twitter.com/VbjrT1Ijp7
— SazzaDul Islam (@iam_sazzad) July 22, 2023
ଏହାକୁ ନେଇ ହରମନପ୍ରୀତ କହିଛନ୍ତି, ଏହି ମ୍ୟାଚରୁ ଆମେ ବହୁତ କିଛି ଶିଖିଛୁ । କ୍ରିକେଟ ଛଡା ଯେଉଁଭଳି ଅମ୍ପାୟରିଂ କରାଯାଉଛି, ତାହା ଦେଖି ମୁଁ ଆଶ୍ଚର୍ଯ୍ୟ । ଆଗାମୀ ଥର ବାଂଲାଦେଶ ଆସିବା ସମୟରେ ଅମ୍ପାୟରିଂକୁ ନେଇ ନିଜକୁ ପ୍ରସ୍ତୁତ କରିବୁ ।
ସୂଚନାଯୋଗ୍ୟ, ବାଂଲାଦେଶ ଏବଂ ଭାରତ ମଧ୍ୟରେ ଖେଳାଯାଉଥିବା ଦିନିକିଆ ମ୍ୟାଚରେ ବାଂଲାଦେଶ ୫୦ ଓଭରରେ ୪ ଓ୍ଵିକେଟ ହରାଇ ୨୨୫ ରନ୍ କରିଥିଲା । ଏହି ରନକୁ ପିଛା କରି ଭାରତ ୪୯.୩ ଓଭରରେ ସମସ୍ତ ଓ୍ଵିକେଟ ହରାଇ ୨୨୫ ରନ୍ ହିଁ କରିଥିଲା । ଫଳରେ ମ୍ୟାଚ ଟାଇ ରହିଥିଲା । ଭାରତ ପକ୍ଷରୁ ସ୍ମୃତି ମନ୍ଧାନା ୫୯ ଏବଂ ହରଲିନ ଦେଓ୍ଵଲ ୭୭ ରନ୍ କରିଥିଲେ ।
