ଆଇପିଏଲ୍ ନିଲାମୀ : ରେକର୍ଡ଼ ଭାଙ୍ଗି ସବୁଠାରୁ ଦାମୀ ଖେଳାଳି ହେଲେ ପ୍ୟାଟ୍ କମିନ୍ସ
କୋଲକାତା : ଆଇପିଏଲ୍ ୨୦୨୦ ସିଜିନ-୧୩ର ସବୁଠାରୁ ଦାମୀ ଖେଳାଳି ହୋଇଛନ୍ତି ପ୍ୟାଟ୍ କମିନ୍ସ । ଆଜି କୋଲକାତା ନାଇଟ୍ ରାଇଡର୍ସ ତାଙ୍କୁ ୧୫.୫ କୋଟି ଟଙ୍କାରେ କିଣିଛି । ଅଷ୍ଟ୍ରେଲିଆର ଏହି ପେସ୍ ବୋଲର୍ ଇଂଲଣ୍ଡ ଅଲରାଣ୍ଡର ବେନ୍ ଷ୍ଟୋକ୍ସଙ୍କୁ ପଛରେ ପକାଇ ସବୁଠାରୁ ଦାମୀ ଖେଳାଳି ହୋଇଛନ୍ତି । ତାଙ୍କ ବେସ୍ ପ୍ରଶିସ୍ ଥିଲା ୨ କୋଟି ଟଙ୍କା । ୨୦୧୭ରେ ଷ୍ଟୋକସ୍ଙ୍କୁ ୧୪.୫ କୋଟି ଟଙ୍କାରେ ପୁନେ ଦଳ କିଣିଥିଲା । ଏବେ ତାଙ୍କ ରେକର୍ଡ଼କୁ ଭାଙ୍ଗିଛନ୍ତି କମିନ୍ସ ।
ଆଉ ଜଣେ ଖେଳାଳି ୧୦ କୋଟିରେ ବିକ୍ରି ହୋଇଛନ୍ତି । ସେ ଡିପ୍ରେସନ୍ରେ ଥିଲେ । ତାଙ୍କ ମାନସିକ ଅବସ୍ଥା ଭଲ ନଥିଲା । ତେଣୁ ଦଳରୁ ମଧ୍ୟ ଦୂରେଇ ଯାଇଥିଲେ । ହେଲେ ସେହି ଖେଳାଳି ହୋଇଛନ୍ତି ଆଇପିଏଲ୍ର ସବୁଠାରୁ ଅନ୍ୟତମ ଦାମୀ କ୍ରିକେଟର୍ । ଅଷ୍ଟ୍ରେଲିଆର ଅଲ୍ ରାଉଣ୍ଡର ଗ୍ଲେନ୍ ମାକ୍ସଓ୍ଵଲ୍ । ଆଜି କୋଲକାତାରେ ହୋଇଥିବା ଆଇପିଏଲ୍ ନିଲାମୀରେ ମାକ୍ସଓ୍ଵଲ୍ ବିକ୍ରି ହୋଇଛନ୍ତି ୧୦ କୋଟି ୭୫ ଲକ୍ଷ ଟଙ୍କାରେ । କିଙ୍ଗସ ଇଲେଭେନ୍ ପଞ୍ଜାବ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ତାଙ୍କୁ ନେଇ ଚାଲିଲା ଲଢ଼େଇ । ତେବେ ଶେଷରେ ଜିତିଗଲା ପଞ୍ଜାବ ଦଳ । ମାକ୍ସେଓ୍ଵଲ୍ଙ୍କ ବେସ୍ ପ୍ରାଇସ୍ ୨ କୋଟି ଟଙ୍କା ଥିଲା ।
ନିଜ ଦଳକୁ ବାଲାନ୍ସ କରିବା ଲାଗି ଆଜି ୮ଟି ଫ୍ରାଞ୍ଚାଇଜି ନିଲାମିରେ ସାମିଲ ହୋଇଥିଲେ । ମୋଟ୍ ୩୩୨ ଜଣ ଖେଳାଳିଙ୍କୁ ଏଥିରେ ଅନ୍ତର୍ଭୁକ୍ତ କରାଯାଇଥିଲା । ଏଥିରେ ୧୮୬ ଜଣ ଭାରତୀୟ ଖେଳାଳି ଏବଂ ୧୪୬ ଜଣ ବିଦେଶୀ ଖେଳାଳି ଅଛନ୍ତି । ୧୨ ଜଣ ଖେଳାଳି ଏମିତି ଅଛନ୍ତି ଯାହାଙ୍କୁ କେହି କିଣି ନାହାନ୍ତି ।
ଆସନ୍ତୁ ନଜର ପକାଇବା କିଛି ମୁଖ୍ୟ ଖେଳାଳିଙ୍କ ଉପରେ । କାହାକୁ କେତେ ଟଙ୍କାରେ କିଣିଛନ୍ତି ବିଭିନ୍ନ ଦଳ ।
