ଆସନ୍ତାକାଲି ଠାରୁ ଆରମ୍ଭ ହେବ ଓଡିଶା ଓମେନ ଫୁଟବଲ ଲିଗ୍, ଉନ୍ମୋଚନ ହେଲା ଜର୍ସି
ଭୁବନେଶ୍ବର: ଆସନ୍ତାକାଲି ଠାରୁ ଆରମ୍ଭ ହେବ ଓଡିଶା ଓମେନ ଫୁଟବଲ ଲିଗ। ଏହା ପୂର୍ବରୁ ଆଜି ଓଡିଶା ଓମେନ ଫୁଟବଲ ଲିଗର ଜର୍ସି ଉନ୍ମୋଚନ କରାଯାଇଛି। ଏଥିରେ ମୋଟ ୬ଟି ଟିମ୍ ଭାଗ ନେବେ। ୩୦ଟି ମ୍ୟାଚ ଖେଳାଯିବ। ସ୍ପୋର୍ଟ ହଷ୍ଟେଲ, ସାଇ- ଏସଟିସି, ଓଜିପି କ୍ଲବ, ରାଇଜିଙ୍ଗ ଷ୍ଟୁଡେଣ୍ଟ କ୍ଲବ, ଇଷ୍ଟ କୋଷ୍ଟ ରେଲୱେ ଓ ଓଡ଼ିଶା ପୋଲିସ ଦଳ ଭାଗ ନେବେ।
ପ୍ରତି ଟିମ ଦୁଇଟି ଲେଖାଏ ମ୍ୟାଚ ଖେଳିବେ। ବିଜୟୀ ଟିମ ଇଣ୍ଡିଆନ ଓମେନ ଲିଗ ପାଇଁ ମନୋନୀତ ହେବେ। କଳିଙ୍ଗ ଷ୍ଟାଡିଅମ ଓ କ୍ୟାପିଟାଲ ହାଇସ୍କୁଲ ପଡିଆରେ ଖେଳାଯିବ ମ୍ୟାଚ। ମାର୍ଚ୍ଚ ୨୭ ତାରିଖ ଯାଏ ଏହି ଲିଗ ଚାଲିବ। ଓଡିଶା ଫୁଟବଲ ଆସୋସିଏସନ ଓ କ୍ରୀଡା ଏବଂ ଯୁବ ବ୍ୟାପାର ବିଭାଗ ପକ୍ଷରୁ ଏହାର ଆୟୋଜନ କରାଯାଉଛି। ଜର୍ସି ଉନ୍ମୋଚନ ଅବସରରେ ଇଣ୍ଡିଆନ ଓମେନ ଲିଗ ଭୁବନେଶ୍ୱରରେ ଆୟୋଜନ ପାଇଁ ଚେଷ୍ଟା କରାଯାଉଥିବା କ୍ରୀଡା ବିଭାଗ ସଚିବ ବିଶାଳ ଦେବ କହିଛନ୍ତି।
