ଏସିଆ କପ ୨୦୨୩: ଫ୍ୟାନ୍ସଙ୍କ ଉତ୍କଣ୍ଠାରେ ଲଗାଇପାରେ ବ୍ରେକ, ଭାରତ-ପାକିସ୍ତାନ ମ୍ୟାଚ ପାଇଁ ବର୍ଷା ଆଶଙ୍କା
ସେପ୍ଟେମ୍ବର ୨ ତାରିଖରେ ଅନୁଷ୍ଠିତ ହେବ ଭାରତ-ପାକିସ୍ତାନ ମ୍ୟାଚ । କାଣ୍ଡି ଠାରେ ପ୍ରବଳ ବର୍ଷାର ସମ୍ଭାବନା ରହିଛି । ସେଦିନ ବଜ୍ରପାତ ସହ ପ୍ରବଳ ବର୍ଷାର ୯୦ ପ୍ରତିଶତ ସମ୍ଭାବନା ରହିଥିବା ପାଣିପାଗ ବିଭାଗ ତରଫରୁ ସୂଚନା ଦିଆଯାଇଛି।
ଶ୍ରୀଲଙ୍କାର କାଣ୍ଡି ଠାରେ ଭାରତ-ପାକିସ୍ତାନ ମ୍ୟାଚ ସେପ୍ଟେମ୍ବର ୨ ତାରିଖରେ ଅନୁଷ୍ଠିତ ହେବ । ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ-ପାକିସ୍ତାନ ଲଢ଼େଇ ଉପଭୋଗ କରିବା ପାଇଁ ସମସ୍ତଙ୍କର ଅପେକ୍ଷା । ମାତ୍ର ଏହି ମ୍ୟାଚ ପାଇଁ ବର୍ଷା ଆଶଙ୍କା ରହିଛି ।
ସେପ୍ଟେମ୍ବର ୨ ତାରିଖକୁ ସାରା ବିଶ୍ବର କ୍ରିକେଟ୍ ପ୍ରେମୀଙ୍କ ଅପେକ୍ଷା । ଦୀର୍ଘ ବ୍ୟବଧାନରେ କ୍ରିକେଟ୍ ମଇଦାନରେ ଲଢ଼େଇ ହେବ ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବୀଙ୍କର । ସବୁଠି ମ୍ୟାଚକୁ ନେଇ ଉତ୍ସାହ । ତେଣୁ ଶ୍ରୀଲଙ୍କା କାଣ୍ଡିରେ ମ୍ୟାଚ୍ ଆରମ୍ଭ ହେବା ପୂର୍ବରୁ ପ୍ରବଳ ଉତ୍କଣ୍ଠା ରହିଛି । ତେବେ ଏଇ ଉତ୍କଣ୍ଠାରେ ବ୍ରେକ୍ ଲଗାଇପାରେ ବର୍ଷା । କାଣ୍ଡି ଠାରେ ସେପଟେମ୍ବର ୨ ତାରିଖରେ ପ୍ରବଳ ବର୍ଷାର ସମ୍ଭାବନା ରହିଛି । ସେଦିନ ବଜ୍ରପାତ ସହ ପ୍ରବଳ ବର୍ଷାର ୯୦ ପ୍ରତିଶତ ସମ୍ଭାବନା ରହିଥିବା ପାଣିପାଗ ବିଭାଗ ତରଫରୁ ସୂଚନା ଦିଆଯାଇଛି। ଗତକାଲି ସନ୍ଧ୍ୟାରେ ଏଠାରେ ବର୍ଷା ହେବା ଯୋଗୁଁ ଏବେ ଆଉଟ୍ ଫିଲଡ୍ ଓଦା ରହିଛି ।
ଏସିଆ କପର ୪ଟି ମ୍ୟାଚ୍ ପାକିସ୍ତାନ ଏବଂ ୯ଟି ଶ୍ରୀଲଙ୍କାରେ ଖେଳାଯିବ । ଟିମ୍ ଇଣ୍ଡିଆ ସେପ୍ଟେମ୍ବର ୨ ତାରିଖରୁ ମ୍ୟାଚ ଖେଳିବ । ପ୍ରଥମେ ନିଜର ଚିର ପ୍ରତିଦ୍ୱନ୍ଦ୍ୱୀ ପାକିସ୍ତାନ ସହିତ ହେବ । ଭାରତୀୟ ଟିମ ଖୁବଶୀଘ୍ର ଏଥିପାଇଁ ଶ୍ରୀଲଙ୍କା ଗସ୍ତ କରିବ ।
