ଖବରକାଗଜ ବିକ୍ରେତାଙ୍କ ଝିଅ କ୍ୱାଲିଫାଏ କଲେ ଅନ୍ତରାଷ୍ଟ୍ରୀୟ କିକ୍ ବକ୍ସିଂ
ନୂଆଦିଲ୍ଲୀ : ସମାଜ ଯେତେ ଆଗଇଲେ ବି ପୁଅ-ଝିଅର ଭେଦଭାବ ସମାଜରେ ତିଷ୍ଠି ରହିଛି । ଯେଉଁଥିପାଇଁ ମହିଳାମାନଙ୍କୁ କୌଣସି ପ୍ରତିଯୋଗିତାରେ ଆଗେଇବାକୁ ହେଲେ ବହୁତ କିଛି ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ । ଫଳରେ ଖେଳ ଓ ବ୍ୟବସାୟ ଆଦି କ୍ଷେତ୍ରରେ ଝିଅମାନେ କମ ଭାଗ ନେଇଥାନ୍ତି । ହେଲେ ଏମିତି ଜଣେ ଝିଅ ହେଉଛନ୍ତି ଗୁଜୁରାଟର ଅକ୍ଷଦା ଦଳବୀ । ଯିଏ ନିଜର ଶ୍ରମ ଓ ଦକ୍ଷତା ବଳରେ ଅନ୍ତରାଷ୍ଟ୍ରୀୟ କିକ୍ ବକ୍ସିଂ ପାଇଁ ଯୋଗ୍ୟ ବିବେଚିତ ହୋଇଛନ୍ତି ।
ଅକ୍ଷଦା କୁହନ୍ତି ଯେ ତାଙ୍କୁ ପିଲାଦିନୁ ବକ୍ସିଂର ବହୁତ ସଉକ ଥିଲା । ସେ ୫ମ ଶ୍ରେଣୀରୁ କରାଟେ ଶିଖିବା ଆରମ୍ଭ କରିଦେଇଥିଲେ । ପରେ ବକ୍ସିଂ ଶିଖିବା ଆରମ୍ଭ କରିଦେଇଥିଲେ । ଅକ୍ଷଦା ନିଜର ପ୍ରଥମ ନେସନାଲରେ ଗୋଲ୍ଡ ମେଡାଲ ଜିତି ପୁରା ଦେଶର ଗୌରବ ବଢ଼ାଇଥିଲେ । ଅକ୍ଷଦା କୁହନ୍ତି ଯେ ତାଙ୍କୁ ତାଙ୍କର କୋଚ ବହୁତ ଭଲ ଟ୍ରେନିଂ ଦିଅନ୍ତି । ଏହାଛଡ଼ା ତାଙ୍କ ସଫଳତା ପଛରେ ତାଙ୍କ ପରିବାରର ବହୁତ ହାତ ଥିବା ମଧ୍ୟ ସେ କହିଛନ୍ତି ।
गुजरात: वडोदरा में अख़बार बेचने वाले व्यक्ति की बेटी ने अंतरराष्ट्रीय किक बॉक्सिंग के लिए क्वालीफाई किया।
किक बॉक्सर अक्षदा दलवी ने बताया, “जब मैंने पांचवीं कक्षा पास की तो मैंने कराटे सीखा उसके एक साल बाद मैंने किक बॉक्सिंग शुरू की। मैंने अपने पहले नेशनल में गोल्ड मेडल जीता।” pic.twitter.com/4Yg8yf6t0I
— ANI_HindiNews (@AHindinews) December 18, 2021
courtesy : ANI
ଶରୀରକୁ ସୁସ୍ଥ ରଖିବା ପାଇଁ କିକ୍ ବକ୍ସିଂ ବହୁତ ଜରୁରୀ
କୁହାଯାଏ କିକ୍ ବକ୍ସିଂ ଏକ ଭଲ ଏରୋବିକ ବ୍ୟାୟାମ । ଏଥିରେ ମିକ୍ସ ମାର୍ସଲ ଆର୍ଟ ର ଟ୍ରେନିଂ ମଧ୍ୟ ଦିଆଯାଏ । ଏହା ଏପରି ଏକ ମାର୍ସଲ ଆର୍ଟ ଖେଳ ଯାହା ଆପଣଙ୍କ ଶରୀରକୁ ବହୁତ ମଜବୁତ କରିଥାଏ । ଏଥିରେ ଶରୀରରେ ରକ୍ତ ପ୍ରବାହ ଭଲ ହୋଇଥାଏ । କିକ୍ ବକ୍ସିଂ କରୁଥିବା ବ୍ୟକ୍ତି ବହୁ ପ୍ରକାର ରୋଗରୁ ରକ୍ଷା ପାଇଥାଏ । କିକ୍ ବକ୍ସିଂ ସର୍ବ ପ୍ରଥମେ ଜାପାନରେ ଆରମ୍ଭ ହୋଇଥିଲା । ଆମେରିକାରେ ୭୦ ଦଶକରେ ଏହାର ଶୁଭାରମ୍ଭ ହୋଇଥିଲା ।
