ସମ୍ବଲପୁର: ରଙ୍ଗର ପର୍ବ ହୋଲି ହେଲା ଜୀବନର ଶେଷ ହୋଲି, ସଡକ ଦୁର୍ଘଟଣାରେ ଚାଲିଗଲା ୨ ଯୁବକଙ୍କ ଜୀବନ
ସମ୍ବଲପୁର(କେନ୍ୟୁଜ୍): ହୋଲିରେ ଘଟିଲା ଅଘଟଣ । ରଙ୍ଗର ପର୍ବ ହୋଲି ହେଲା ଶେଷ ହୋଲି । ସଡକ ଦୁର୍ଘଟଣାରେ ୨ ଜଣଙ୍କ ଜୀବନ ଯାଇଥିବା ସହ ଜଣେ ଗୁରୁତର ଆହତ ହୋଇଛନ୍ତି । ଆଜି ଅପରାହ୍ନରେ ଶାସନ ଥାନା ଅନ୍ତର୍ଗତ ପରମାଣପୁର କଲେଜ ନିକଟରେ ଗୋଟିଏ ବାଇକରେ ୩ ଜଣ ଯୁବକ ପରମାଣପୁର ପଟକୁ ଯାଉଥିବା ସମୟରେ ଏକ ଟ୍ରଲର ସିନ୍ଦୁରପଙ୍କରୁ ଲଇଡା ପଟକୁ ଯାଉଥିଲା । ଏହି ସମୟରେ ଟ୍ରଲର ପଛ ପଟେ ବାଇକଟି ଧକ୍କା ହୋଇଥିଲା।
ଟ୍ରଲର ଧକ୍କାରେ ଘଟଣା ସ୍ଥଳରେ ୨ ଜଣଙ୍କ ମତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ମ୍ତକମାନେ ହେଲେ ପରମାଣପୁରର ପିଣ୍ଟୁ ସାହୁ ଓ ଦୁଳବ କୁମାର ମରେଇ । ଘଟଣା ସ୍ଥଳରେ ଶାସନ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି । ସେପଟେ ଗୁରୁତର ଥିବା ଯୁବକକୁ ସ୍ଥାନୀୟ ଲୋକେ ବୁର୍ଲା ମେଡିକାଲରେ ଭର୍ତ୍ତି କରିଛନ୍ତି।
