ମୋହନା: ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରକୁ କ୍ଷତି ପୂରଣ ଦାବିରେ ଦୁଇ ଦୁଇଟି ସ୍ଥାନରେ ରାଜରାସ୍ତାକୁ ଓହ୍ଲାଇଲେ ମୃତକଙ୍କ ସମ୍ପର୍କୀୟ
ମୋହନା(କେନ୍ୟୁଜ୍): ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରକୁ କ୍ଷତି ପୂରଣ ଦାବିରେ ଦୁଇ ଦୁଇଟି ସ୍ଥାନରେ ରାଜରାସ୍ତାକୁ ବନ୍ଦ କରିଛନ୍ତି ମୃତକଙ୍କ ସମ୍ପର୍କୀୟ । ମୋହନା ମେଡିକାଲ ସମ୍ମୁଖରେ ଦୁର୍ଘଟଣାରେ ପ୍ରାଣହରାଇଥିବା ବ୍ୟକ୍ତିଙ୍କ ପରିବାର ଏବଂ ସମ୍ପର୍କୀୟ କ୍ଷତିପୂରଣ ଦାବି କରିଛନ୍ତି। ସେହିଭଳି ସମାନ ଘଟଣାରେ ଚାନ୍ଦିପୁଟ ଗ୍ରାମରେ ମଧ୍ୟ ରାଜରାସ୍ତାକୁ ଓଲ୍ଲାଇ ରାସ୍ତା ଵନ୍ଦ କରିଛନ୍ତି ଗ୍ରାମବାସୀ । ଗତକାଲି ସଂନ୍ଧ୍ୟା ମୋହନା ଥାନା ଅନ୍ତର୍ଗତ କପୁରୀପଟା ଗାଁ ନିକଟରେ ଇନୋଭା କାର ଓ ବାଇକ ମୁହାଁମୁହିଁ ଧକ୍କା ହୋଇ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିଲା । ଘଟଣାସ୍ଥଳରେ ଜଣେ ବାଇକ ଆରୋହୀ ଖମାରିସାହିର ଶକ୍ତି ଜେନାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ବ୍ରହ୍ମପୁର mkcg ରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା ।
ଅନ୍ୟପଟେ ଦୁର୍ଘଟଣା ସ୍ଥଳରୁ ଇନୋଭା ଗାଡି ଚାଳକ ଫେରାର ହୋଇଯାଇଥିବା ବେଳେ, ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଦୁଇଟି ସ୍ଥାନରେ ରାଜରାସ୍ତା ଅବରୋଧ କରିବା ସହ କ୍ଷତିପୂରଣ ଦାବି କରୁଛନ୍ତି । ରାଜରାସ୍ତା ଅବରୋଧ ଫଳରେ ୩୨୬ ଏବଂ ୩୨୬ଏ ଜାତୀୟ ରାଜପଥରେ ଗାଡି ଚଳାଚଳ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି । ବ୍ରହ୍ମପୁର-ମୋହନା- ପାରଳାଖେମୁଣ୍ଡି ରାସ୍ତାରେ ଗମନାଗମନ ଠପ । ରାସ୍ତା ଉପରେ ଶହ ଶହ ଗାଡି ଅଟକି ରହିଛି । ଘଟଣାସ୍ଥଳରେ ମୋହନା ପୋଲିସ ଟିମ୍ ପହଞ୍ଚି ବୁଝାସୁଝା ଜାରି ରଖିଛନ୍ତି ।