ଆକ୍ସନ ମୋଡ଼ରେ ଯାଜପୁର ଜିଲ୍ଲା ପ୍ରଶାସନ : ଦ୍ଵିତୀୟ ଦିନ ସୁଦ୍ଧା ଭଙ୍ଗାଗଲା ୪୬ଟି ବେଆଇନ କ୍ରସର ୟୁନିଟ
ଯାଜପୁର(କେନ୍ୟୁଜ) : ଫୁଲ ଆକ୍ସନ ମୋଡ଼ରେ ଯାଜପୁର ଜିଲ୍ଲା ପ୍ରଶାସନ। ପ୍ରଶାସନ ପକ୍ଷରୁ ବେଆଇନ କ୍ରସର ୟୁନିଟ ଉଚ୍ଛେଦ ପ୍ରକ୍ରିୟା ଜାରି ରହିଛି। ଦ୍ଵିତୀୟ ଦିନ ସୁଦ୍ଧା ଧର୍ମଶାଳା ତହସିଲ ଅଧୀନରେ ଥିବା ୪୬ଟି କ୍ରସର ୟୁନିଟକୁ ଭାଙ୍ଗିଛି ଜିଲ୍ଲା ଏନଫୋର୍ସମେଣ୍ଟ ସ୍କ୍ୱାର୍ଡ।
ଗତକାଲି ପ୍ରଥମ ଦିନରେ ବିଛାଖଣ୍ଡି ଅଂଚଳରୁ ୨୦ଟି କ୍ରସର ୟୁନିଟକୁ ଉଚ୍ଛେଦ କରାଯାଇଥିବା ବେଳେ ଆଜି ଦ୍ଵିତୀୟ ଦିନରେ ବିଛାଖଣ୍ଡି, କୁସୁନପୁର ଓ ଚକ୍ରଧରପୁର ଅଂଚଳରେ ଥିବା ବେଆଇନ କ୍ରସର ୟୁନିଟଗୁଡିକୁ ମେସିନ ସାହାଯ୍ୟରେ ଭାଙ୍ଗି ଦିଆଯାଇଛି। ଗଠିତ ସ୍କ୍ୱାର୍ଡରେ ଯାଜପୁର ଏଡିଏମ ମିହିର ପ୍ରସାଦ ମହାନ୍ତି, ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳ, ଧର୍ମଶାଳା ତହସିଲଦାର ସରୋଜ କୁମାର ପଣ୍ଡା ଓ ଜେନାପୁର ଥାନା ଅଧିକାରୀ ସୁଶାନ୍ତ କୁମାର ଦାସ ପ୍ରମୁଖ ସାମିଲ ଥିଲେ। ପୂର୍ବରୁ ତହସିଲ ପ୍ରଶାସନ ପକ୍ଷରୁ ଏହି କ୍ରସର ୟୁନିଟଗୁଡିକୁ ଉଚ୍ଛେଦ କରିବା ପାଇଁ ନୋଟିସ କରାଯାଇଥିଲା।
