ଯାଜପୁର ବୈତରଣୀ ନଦୀ ଗର୍ଭରୁ ପ୍ରାଚୀନ ମୂର୍ତ୍ତି ଓ କୀର୍ତ୍ତିରାଜି ଉଦ୍ଧାର
ଯାଜପୁର ଟାଉନ(କେନ୍ଯୁଜ୍): ନଦୀ ପଠାରୁ ଉଦ୍ଧାର ହେଲା ପ୍ରାଚୀନ ମୂର୍ତ୍ତି ଓ କୀର୍ତ୍ତିରାଜି। ଯାଜପୁର ବ୍ଲକ କୁଞ୍ଜ ବିହାରୀପୁର ନିକଟରୁ ବୈତରଣୀ ନଦୀ ଗର୍ଭରୁ ବାଲି ଖନନ ସମୟରେ ପୁରାତନ ଦେବା ଦେବୀଙ୍କ ମୂର୍ତ୍ତି ଉଦ୍ଧାର ହୋଇଛି। ଯାହାକୁ ଦେଖିବା ପାଇଁ ସ୍ଥାନୀୟ ଲୋକଙ୍କ ଭିଡ଼ ଜମିଛି ।
୪ ରୁ ୫ ଫୁଟ ଉଚ୍ଚତାର ଏକ ବୁଦ୍ଧ ମୂର୍ତି ଉଦ୍ଧାର ହୋଇଥିବା ବେଳେ ଓ ଅନ୍ୟ ଏକ ହନୁମାନ ମନ୍ଦିରର ଭଗ୍ନାଂଶ ମଧ୍ୟ ଉଦ୍ଧାର ହୋଇଛି। ଏଥି ସହିତ ବାଲି ତଳେ କୌଣସି ମନ୍ଦିରର ଭଗ୍ନାଂଶ ରହିଥିବା ଅନୁମାନ କରାଯାଉଛି। ତେବେ ଏହାର ରକ୍ଷଣାବେକ୍ଷଣ କରିବା ସହିତ ଅଧିକ ଖନନ କରିବାକୁ ଦାବି ହୋଇଛି।
