ମହାନଦୀ ଉପରେ ନିର୍ମାଣ ହେବ ଆଉ ଏକ ଦୀର୍ଘତମ ସେତୁ
ମହାନଦୀ ଉପରେ ନିର୍ମାଣ ହେବ ଆଉ ଏକ ଦୀର୍ଘତମ ସେତୁ । ପୂର୍ତ୍ତ ବିଭାଗ ଅଧୀନରେ କଟକ ସଦର ନିର୍ବାଚନ ମଣ୍ଡଳୀର ନିଶ୍ଚିନ୍ତକୋଇଲି ବ୍ଲକ ସିର୍ଲୋ - ସାଉକେତ ନିକଟରେ ନିର୍ମାଣ ହେବାକୁ ଯାଉଛି ଏହି ବ୍ରିଜ।
ସାଲେପୁର : ମହାନଦୀ ଉପରେ ନିର୍ମାଣ ହେବ ଆଉ ଏକ ଦୀର୍ଘତମ ସେତୁ । ପୂର୍ତ୍ତ ବିଭାଗ ଅଧୀନରେ କଟକ ସଦର ନିର୍ବାଚନ ମଣ୍ଡଳୀର ନିଶ୍ଚିନ୍ତକୋଇଲି ବ୍ଲକ ସିର୍ଲୋ – ସାଉକେତ ନିକଟରେ ନିର୍ମାଣ ହେବାକୁ ଯାଉଛି ଏହି ବ୍ରିଜ। ଯେଉଁଠି କଟକ ପାରଦୀପ ରାସ୍ତା ବା ରାଜ୍ୟ କଟକ ଚାନ୍ଦବାଲି ରାସ୍ତାକୁ ଯୋଗାଯୋଗ ସଂଯୋଗ କରିବାକୁ ବେଶ ସହଜ ହେବ । ଏହି ଅଞ୍ଚଳର ସାମଗ୍ରିକ ବିକାଶ ହୋଇ ପାରିବ । ଏଥିପାଇଁ ଟେଣ୍ଡର ଗ୍ରହଣ କରାଯାଇଥିଲା ଯାହାକୁ ସରକାର ଅନୁମୋଦନ କରିଛନ୍ତି । ଏନେଇ କ୍ୟାବିନେଟରେ ୧୨୮କୋଟି ୭୧ଲକ୍ଷ ଟଙ୍କା ବ୍ୟୟ ମଞ୍ଜୁର କରାଯାଇଛି । ଆସନ୍ତା ୩୬ ମାସ ଭିତରେ କାମ ଶେଷ ପାଇଁ ଲକ୍ଷ୍ୟ ରହିଛି। ଏଥିପାଇଁ ଅଞ୍ଚଳବାସୀ ବେଶ୍ ଖୁସି ପ୍ରକଟ କରିବା ସହ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।