ଗରମ ଡାଲିରେ ଶିଶୁ କନ୍ୟା ପଡିବା ଅଘଟଣ, କଟକ ମେଡିକାଲରେ ମୃତ
ଗରମ ଡାଲିରେ ପଡି ଶିଶୁ କନ୍ୟା ମୃତ l ଗଜପତି ଜ଼ିଲ୍ଲା ମୋହନା ବ୍ଲକ ଅଡବା ଥାନା ଅନ୍ତର୍ଗତ ଦମାଦୁଆ ଅଞ୍ଚଳରେ ଏହି ଅଘଟଣ ୧୬ତାରିଖରେ ଘଟିଥିଲା ।
ମୋହନା : ଗରମ ଡାଲିରେ ପଡି ଶିଶୁ କନ୍ୟା ମୃତ l ଗଜପତି ଜ଼ିଲ୍ଲା ମୋହନା ବ୍ଲକ ଅଡବା ଥାନା ଅନ୍ତର୍ଗତ ଦମାଦୁଆ ଅଞ୍ଚଳରେ ଏହି ଅଘଟଣ ୧୬ତାରିଖରେ ଘଟିଥିଲା । ଗୁରୁତର ଶିଶୁକନ୍ୟାକୁ ପ୍ରଥମେ ମୋହନା ଏବଂ ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଥିଲା । ଶରୀରର ୭୦ଭାଗରୁ ଉର୍ଦ୍ଧ ଅଂଶ ପୋଡ଼ିଯାଇଥିବା ଯୋଗୁଁ ଚିକିତ୍ସାଧିନ ଅବସ୍ଥାରେ ଗତକାଲି କଟକରେ ଶିଶୁ କନ୍ୟାର ମୃତ୍ୟୁ ହୋଇଛି l
ସୂଚନାନୁଯାୟୀ, ଗତ ୧୬ତାରିଖରେ ନମିତା ଆଶ୍ରମ ବିଦ୍ୟାଳୟ ଅନ୍ତେବାସୀଙ୍କ ନିମନ୍ତେ ରାତ୍ରି ଭୋଜନ ପ୍ରସ୍ତୁତି ପାଇଁ ବିଦ୍ୟାଳୟର ରୋଷେଇ ଶାଳକୁ ନିଜ ପାଞ୍ଚ ବର୍ଷର ଶିଶୁ କନ୍ୟାକୁ ନେଇ ଯାଇଥିଲେ l ରୋଷେଇ ସାରି ନିଜ ଛୁଆ ପାଇଁ ଭାତ ବାଢିବା ପାଇଁ ଯାଇଥିବା ବେଳେ ଶିଶୁକନ୍ୟାଟି ଉତ୍ତପ୍ତ ଡାଲି ହଣ୍ଡା ମଧ୍ୟରେ ପଡିଯାଇଥିଲା l
ସଙ୍ଗେ ସଙ୍ଗେ ଗୁରୁତର ଶିଶୁକନ୍ୟାକୁ ପ୍ରଥମେ ମୋହନା ଏବଂ ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଥିଲା l ତେଵେ ଶରୀରର ୭୦ଭାଗରୁ ଉର୍ଦ୍ଧ୍ଵ ଅଂଶ ପୋଡ଼ିଯାଇଥିବା ଯୋଗୁଁ ଚିକିତ୍ସାଧିନ ଅବସ୍ଥାରେ ସୋମବାର ତାର ମୃତ୍ୟୁ ହୋଇଛି l ଏନେଇ ସ୍କୁଲ କର୍ତ୍ତୃପକ୍ଷ କିମ୍ୱା ଜ଼ିଲ୍ଲା ମଙ୍ଗଳ ବିଭାଗର କୌଣସି ପ୍ରତିକ୍ରିୟା ମିଳିପାରିନାହିଁ l
