ଆଜି ଛତିଶା ନିଯୋଗ ବୈଠକ: ପହିଲି ଭୋଗ ନୀତି ର୍ନିଘଣ୍ଟ ସହ ନୂଆବର୍ଷରେ ଦର୍ଶନ ବନ୍ଦ ରହିବ କି ନାହିଁ ହେବ ନିଷ୍ପତି
ପୁରୀ(କେନ୍ଯୁଜ୍): ପୁରୀ ନିଳାଦ୍ରୀ ଭକ୍ତ ନିବାସ ଠାରେ ଆଜି ହେବ ଛତିଶା ନିଯୋଗ ବୈଠକ । ମୁଖ୍ୟ ପ୍ରଶାସକ କ୍ରୀଷନ କୁମାରଙ୍କ ଅଧ୍ୟକ୍ଷତାରେ ଅପରାହ୍ନରେ ବସିବ ବୈଠକ । ଆସନ୍ତା ୧୬ ତାରିଖ ଧନୁ ସଂକ୍ରାନ୍ତିରୁ ମକର ସଂକ୍ରାନ୍ତି ପର୍ଯ୍ୟନ୍ତ ଏକମାସ ଧରି ଶ୍ରୀମନ୍ଦିରରେ ଚାଲିବାକୁ ଥିବା ପହିଲି ଭୋଗ ନୀତି ର୍ନିଘଣ୍ଟ ଅନୁମୋଦନ କରାଯିବ ।
ନୀତି ର୍ନିଘଣ୍ଟ କିଭଳି ଶୃଙ୍ଖଳିତ ହେବ ସେନେଇ ପ୍ରଥମେ ନୀତି ସବକମିଟି ବୈଠକ ଅନୁଷ୍ଠିତ ହେବ । ଏହାସହ ଡିସେମ୍ବର ୨୫ ବଡଦିନ ଓ ୩୧ ତାରିଖ ବର୍ଷର ଶେଷ ଦିନ ସହ ନୂଆବର୍ଷ ଅବସରରେ ଶ୍ରୀମନ୍ଦିର ରେ ସାଧାରଣ ଦର୍ଶନ ବନ୍ଦ ରହିବ କି ନାହିଁ ସେନେଇ ବୈଠକରେ ଚୁଡାନ୍ତ ନିଷ୍ପତି ନିଆଯିବ ।
