ଉଦଘାଟିତ ହେଲା ଅଷ୍ଟମ ଜାତୀୟ ଜନଜାତି କଳା ସାମଗ୍ରୀ ପ୍ରଦର୍ଶନୀ ୨୦୧୯, ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ବର(କେନ୍ୟୁଜ୍): ଉଦଘାଟିତ ହୋଇଛି ଅଷ୍ଟମ ଜାତୀୟ ଜନଜାତି କଳା ସାମଗ୍ରୀ ପ୍ରଦର୍ଶନୀ ୨୦୧୯ । ଓଡିଶା ରାଜ୍ୟ ଜନଜାତି ସଂଗ୍ରହାଳୟ ପରିସରରେ ଏହାକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୭ ଦିନ ଚାଲିବାକୁ ଥିବା ଏହି ପ୍ରଦର୍ଶନୀରେ ଜନଜାତିଙ୍କ ଦ୍ୱାରା ପ୍ରସ୍ତୁତ ବିଭିନ୍ନ କଳା ସାମଗ୍ରୀ ପ୍ରଦର୍ଶିତ ହେଉଛି ।
ଓଡିଶା ସମେତ ୧୮ଟି ରାଜ୍ୟର ୨୪୦ରୁ ଅଧିକ ଜନଜାତି କଳାକାର ଏଠାରେ ଅଂଶଗ୍ରହଣ କରିଛନ୍ତି । ହସ୍ତତନ୍ତ, ଲୌହ, ବାଉଁଷ , ଲାଖ , ଜନଜାତି ଅଳଙ୍କାର, ଡୋକ୍ରା ଶିଳ୍ପ , ଜନଜାତି ବସ୍ତ୍ର ଓ ଚିତ୍ରକଳା ଏହି ପ୍ରଦର୍ଶନୀରେ ସ୍ଥାନ ପାଇଛି । ଜନଜାତିର କଳା ସଂସ୍କୃତିର ସଂରକ୍ଷଣ ବିକାଶ ଓ ସେଗୁଡିକୁ ଅଧିକ ଲୋକପ୍ରିୟ କରାଇବା, ଜନଜାତି କଳାକାରଙ୍କୁ ଦକ୍ଷ କଳାକାର ଭାବେ ପ୍ରତିଷ୍ଠିତ କରିବା ସହ ସ୍ୱାବଲମ୍ବୀ କରିବା ହେଉଛି ମେଳାର ମୂଳ ଉଦ୍ଦେଶ୍ୟ ।
