କେ ନ୍ୟୁଜ୍ ରିପୋର୍ଟକୁ ନେଇ ମୁଖ୍ୟମନ୍ତ୍ରୀ କାର୍ଯ୍ୟାଳୟର ଟ୍ଵିଟ୍, ସଂଗରୋଧ କେନ୍ଦ୍ରରେ ସରପଞ୍ଚଙ୍କ କାର୍ଯ୍ୟର କଲେ ଭୂୟସୀ ପ୍ରଶଂସା
ଆଳି (କେ ନ୍ୟୁଜ୍) : କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ୍ ଗୋବିନ୍ଦପୁର ସଙ୍ଗରୋଧ କେନ୍ଦ୍ରରେ ଦାୟିତ୍ୱରେ ଥିବା ସରପଞ୍ଚ ପଦ୍ମାଳୟା ଧଳ ଏବଂ ଏଠାରେ ୧୪ ଦିନ କଟାଇଥିବା ପ୍ରବାସୀ ଓଡ଼ିଆମାନଙ୍କର ଭାବବିନିମୟ ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଏହି କ୍ୱାରେଣ୍ଟାଇନ୍ ସେଣ୍ଟରରେ ପ୍ରବାସୀମାନେ ଏଭଳି ଚମତ୍କାର ଆତିଥ୍ୟ ପାଇଲେ ଯେ ବିଦାୟ ବେଳେ ଉଭୟ ସରପଞ୍ଚ ଏବଂ ପ୍ରବାସୀମାନଙ୍କ ଆଖିରେ ଲୁହ ଥିଲା । ସେମାନେ ଭୋ ଭୋ ହୋଇ କାନ୍ଦୁଥିବାର ଦେଖିବାକୁ ମିଳିଲା । ଖାଲି ସେତିକି ନୁହେଁ ଏହି ବିଦାୟୀ ପ୍ରବାସୀମାନଙ୍କୁ ସରପଞ୍ଚ ନିଜେ ଗାଡ଼ି କରି ଘରେ ଛାଡ଼ି ଆସିଥିଲେ ।
କେନ୍ଦ୍ରାପଡ଼ା ଜିଲ୍ଲା ଗୋବିନ୍ଦପୁରର ସରପଞ୍ଚ ପଦ୍ମାଳୟା ଧଳ ସଂଗରୋଧ କେନ୍ଦ୍ରରେ ପ୍ରବାସୀ ଓଡ଼ିଆଙ୍କୁ ଦେଇଥିବା ଆତିଥ୍ୟର ଚିତ୍ର ବେଶ ହୃଦୟସ୍ପର୍ଶୀ। ସେମାନଙ୍କ ରହିବାର ସୁବନ୍ଦୋବସ୍ତ କରିବା ସହ ନିଜେ ଗାଡ଼ି କରି ପ୍ରବାସୀଙ୍କୁ ପଠାଇବା ପରି ସମ୍ବେଦନଶୀଳ କାର୍ଯ୍ୟ ବାସ୍ତବିକ ପ୍ରଶଂସନୀୟ। #OdishaCareshttps://t.co/HNmUhFi0Ux
— CMO Odisha (@CMO_Odisha) May 31, 2020
କେ ନ୍ୟୁଜ୍ ଓଡ଼ିଶାରେ ଏହି ଖବର ପ୍ରକାଶ ପାଇବା ପରେ ଏହାକୁ ସିଏମ୍ଓ ଓଡ଼ିଶା ତରଫରୁ ଟ୍ଵିଟ୍ କରି ସଂପୃକ୍ତ ସଂଗେରୋଧ କେନ୍ଦ୍ର ଏବଂ ଏହାର ସରପଞ୍ଚଙ୍କୁ ପ୍ରଶଂସା କରାଯାଇଛି । ସେହିପରି କେନ୍ଦ୍ରାପଡ଼ା ଜିଲ୍ଲାପାଳ ମଧ୍ୟ ସରପଞ୍ଚଙ୍କ ତାରିଫ କରିଛନ୍ତି । ଯାହା ଅନ୍ୟ ସଂଗେରାଧ କେନ୍ଦ୍ର ପାଇଁ ଉଦାହରଣ ପାଲଟିଛି ।
