ଗୁରୁ ଶିଷ୍ୟ ପରମ୍ପରାରେ ଆସିଲା ଆଉ ଏକ କଳଙ୍କ, କ୍ଲାସ୍ ରୁମ୍ ଭିତରେ କଲେଜ ଛାତ୍ରୀଙ୍କ କାନ କାମୁଡି ଦେଲେ ଅଧ୍ୟାପକ
ବେଗୁନିଆ (କେନ୍ୟୁଜ୍): ଗୁରୁ ଶିଷ୍ୟ ପରମ୍ପରାରେ ଆସିଲା ଆଉ ଏକ କଳଙ୍କିତ ଅଧ୍ୟାୟ। କଲେଜ ଛାତ୍ରୀଙ୍କୁ ଅସଦାଚରଣ ସହ ଅଧ୍ୟାପକ କାନ ଓ ଆଙ୍ଗୁଠି କାମୁଡି ଦେଇଥିବା ଅଭିଯୋଗ । ବେଗୁନିଆ କଣ୍ଟାବାଡ ରମାମଣି ମହାବିଦ୍ୟାଳୟରେ ଏହାକୁ ନେଇ ଉତ୍ତେଜନା ଦେଖା ଦେଇଛି। ଘଟଣା ପରେ ଅଭିଯୁକ୍ତ ଅଧ୍ୟାପକଙ୍କୁ ଗିରଫ କରାଯାଇଛି।
ଅଭିଯୋଗ ଅନୁଯାୟୀ ଅଧ୍ୟାପକ ଜଣକ ଅନେକ ଦିନ ହେଲା କଲେଜ ଛାତ୍ରୀମାନଙ୍କୁ ଅସଦାଚାରଣ କରୁଥିଲେ। ଅଭିଯୋଗ କିମ୍ବା ପ୍ରତିବାଦ କଲେ ମାର୍କ କାଟିବାକୁ ଧମକ ଦେଉଥିଲେ। ଏନେଇ କଲେଜ ଅଧ୍ୟକ୍ଷା ସେହି ଅଧ୍ୟାପକକଙ୍କୁ କଲେଜ ନ ଆସିବାକୁ ତାଗିଦ କରିଥିଲେ। ହେଲେ ସଂପୃକ୍ତ ଅଧ୍ୟାପକ ଆଜି ପୁଣି କଲେଜ ଆସି କ୍ଲାସରୁମ୍ ଭିତରେ ଛାତ୍ରୀମାନଙ୍କୁ ଖରାପ ବ୍ୟବହାର କରିବା ସହ ଜଣେ ଛାତ୍ରୀଙ୍କ କାନ ଓ ଆଙ୍ଗୁଠିକୁ କାମୁଡି ଦେଇଥିଲେ। ଏଥିରେ ଛାତ୍ରୀମାନେ ଉତ୍ତ୍ୟକ୍ତ ହୋଇ ଅଧ୍ୟାପକଙ୍କ ଗାଡି ଭାଙ୍ଗିବା ସହ ତାଙ୍କୁ ଚାବି ପକାଇ ରଖିଥିଲେ। ପୋଲିସ ଆସି ଅଧ୍ୟାପକଙ୍କୁ ଗିରଫ କରିଛି।
