ଭୁବନେଶ୍ବର: ରାଜ୍ୟରେ ଆଉ ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୫୬ରେ ପହଞ୍ଚିଛି । ଗତକାଲି ପରୀକ୍ଷା ହୋଇଥିବା ୪ ହଜାର ୭୩୪ ନମୁନା ମଧ୍ୟରୁ ୪ ହଜାର ୬୭୮ ଜଣଙ୍କ ନମୁନା ନେଗେଟିଭ୍ ଆସିଛି । ୫୬ ନମ୍ବର ଆକ୍ରାନ୍ତ ଜଣକ ହେଉଛନ୍ତି ଯାଜପୁର ଅଞ୍ଚଳର। ତାଙ୍କ ଘର ଜାଫରପୁର ପଞ୍ଚାୟତର ସାନତ୍ରିଲୋଚନପୁର ।
ସେ ନିକଟରେ କୋଲକତାରୁ ଫେରିଥିଲେ। ଏନେଇ ଯାଜପୁର ଜିଲ୍ଲାପାଳ ସୂଚନା ଦେଇଛନ୍ତି। ଏହା ଜଣାପଡିବା ପରେ ସାନତ୍ରିଲୋଚନପୁର ଏବଂ ସଇପୁର ଗାଁକୁ ୭ଦିନ ପାଇଁ କଣ୍ଚେନମେଣ୍ଟ ଜୋନ୍ ଘୋଷଣା କରାଯାଇଛି। ଏହାକୁ ମିଶାଇ ଯାଜପୁରରେ ଦ୍ୱିତୀୟ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।