ବିପୁଳ ପରିମାଣର କଫ ସିରଫ ଜବତ, ବ୍ୟବସାୟୀ ଗିରଫ
ତୁରେକେଲା ପୋଲିସକୁ ମିଳିଛି ବଡ଼ ସଫଳତା । କଫ ସିରଫ ବ୍ୟବସାୟ କରୁଥିବା ଅଭିଯୋଗରେ ରାମୁଡ ଗାଁର ମକରଣ୍ଡ ଗହୀରକୁ ଗିରଫ କରିବା ସହ ୧୦୪ ବୋତଲ ଓରନେକ୍ସ କଫ ସିରଫ ଜବତ କରିଛି ।
କଣ୍ଟାବାଞ୍ଜି : ତୁରେକେଲା ପୋଲିସକୁ ମିଳିଛି ବଡ଼ ସଫଳତା । କଫ ସିରଫ ବ୍ୟବସାୟ କରୁଥିବା ଅଭିଯୋଗରେ ରାମୁଡ ଗାଁର ମକରଣ୍ଡ ଗହୀରକୁ ଗିରଫ କରିବା ସହ ୧୦୪ ବୋତଲ ଓରନେକ୍ସ କଫ ସିରଫ ଜବତ କରିଛି । ତୁରେକେଲା ପୋଲିସ ଅଧିକାରୀ ଏକ ଟିମ ଗଠନ କରି ଅନେକ ସ୍ଥାନରେ ଚଢ଼ାଉ କରିଛି ।
ତୁରେକେଲା ଥାନା ଅନ୍ତର୍ଗତ ରାମୁଡ ଗାଁର ମକରଣ୍ଡ ଅନେକ ଦିନ ହେଲା କଫ ସିରଫ ବ୍ୟବସାୟ କରୁଥିବା ପୁଲିସ ଜାଣିବାକୁ ପାଇ ତାଙ୍କ ଘରେ ଚଢ଼ାଉ କରିଛି । ଏଥିରେ ୧୦୪ ବୋତଲ କଫ ସିରଫ, ୨୫ ଷ୍ଟ୍ରିପ ନିଟ୍ରସମ ନିଶା ଔଷଧ ସହ ନଗତ ଟଙ୍କା ଓ ମୋବାଇଲ ଫୋନ ଜବତ କରିଛି । ପୁଲିସ ମକରଣ୍ଡକୁ କୋର୍ଟ ଚାଲାଣ କରିଛି । ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ଜେଲ ହାଜତକୁ ତାକୁ ପଠାଯାଇଛି ।
