କଟକ(କେନ୍ୟୁଜ୍): ବ୍ରାଣ୍ଡ ଅସଲି ତେଲ ନକଲି। କଟକରେ ପୁଣି ନକଲି ଖାଇବା ତେଲ ଜବତ। କଟକ ବମ୍ଫକୁଦ ନିକଟରେ ଏକ ଅପମିଶ୍ରିତ ତେଲ କାରଖାନା ଠାବ ହୋଇଛି। କାରଖାନାରୁ ବିଭିନ୍ନ କମ୍ପାନୀର ଲୋଗୋ ଥିବା ବିପୁଳ ପରିମାଣର ଖାଇବା ତେଲ ଜବତ ହୋଇଛି। ନାମୀଦାମୀ ବ୍ରାଣ୍ଡର ତେଲ ଲୋଗୋ ଲଗାଇ ଅପମିଶ୍ରିତ କରାଯାଉଥିବା ଅଭିଯୋଗ ହୋଇଛି। ଅଭିଯୋଗ ପରେ ଏହି ଘଟଣାରେ ଜଣଙ୍କୁ ଅଟକ ରଖାଯାଇଛି। ଏହାସହ ତେଲ ତିଆରି ପାଇଁ ବିଭିନ୍ନ ଯନ୍ତ୍ରାଂଶ ମଧ୍ୟ ଜବତ ହୋଇଛି। ଘଟଣାସ୍ଥଳରେ କଟକ ସଦର ପୋଲିସ୍ର ତଲାସି ଜାରି ରହିଛି।