ଶିମିଳିପାଳରେ ପୁଣି ଛୁଆ ହାତୀର ମୃତ୍ୟୁ, ଗଳାରେ ଇନଫେକ୍ସନ କାରଣ

ଶିମିଳିପାଳରେ ପୁଣି ଛୁଆ ହାତୀର ମୃତ୍ୟୁ। ପିଠାବଟା ରେଞ୍ଜ କାର୍ଯ୍ୟାଳୟ ପରିସରରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି। ମୃତ ହାତୀର ବୟସ ୧ ମାସ ହେବ । ଗତ ୧୬ ତାରିଖରେ କରଞ୍ଜିଆ ରେଞ୍ଜ ଅଞ୍ଚଳରେ ଥିବା ହାତୀପଲ ଅସୁସ୍ଥତା କାରଣରୁ ଏକ ଛୁଆ ହାତୀକୁ ଛାଡି ପଳାଇଯାଇଥିଲେ।

ଖବର ପାଇ ବନବିଭାଗ ଛୁଆ ହାତୀର ଚିକିତ୍ସା ଜାରି ରଖିଥିଲେ। ମାତ୍ର ୪ ଦିନ ପରେ ତାର ମୃତ୍ୟୁ ହୋଇଥିଲା। ଗଳାରେ ଇନଫେକ୍ସନ କାରଣରୁ ଛୁଆ ହାତୀର ମୃତ୍ୟୁ ହୋଇଥିବା ସୂଚନା ଦେଇଛନ୍ତି ଆଞ୍ଚଳିକ ମୁଖ୍ୟ ବନ ସଂରକ୍ଷକ। ବ୍ୟବଛେଦ ପରେ ମୃତଦେହକୁ ପୋତି ଦିଆଯାଇଛି।