ଆଜି ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ, ଜାଣନ୍ତୁ ଡିପ୍ରେସନ୍ର ୧୦ଟି ସଙ୍କେତ
ପ୍ରତି ବର୍ଷ ଅକ୍ଟୋବର ୧୦ରେ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳନ କରାଯାଏ । ୱାର୍ଲ୍ଡ ହେଲ୍ଥ ଅର୍ଗାନାଇଜେସନ୍ (WHO) ଅନୁସାରେ, ଅନ୍ତର୍ଜାତୀୟ ସ୍ତରରେ ପ୍ରତି ୮ ଜଣଙ୍କ ମଧ୍ୟରୁ ଜଣେ ମାନସିକ ରୋଗର ଶିକାର ହେଉଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନ ଏ ନେଇ ସମଗ୍ର ବିଶ୍ୱବାସୀଙ୍କୁ ସଚେତନ କରୁଛି ।
ପ୍ରତି ବର୍ଷ ଅକ୍ଟୋବର ୧୦ରେ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳନ କରାଯାଏ । ୱାର୍ଲ୍ଡ ହେଲ୍ଥ ଅର୍ଗାନାଇଜେସନ୍ (WHO) ଅନୁସାରେ, ଅନ୍ତର୍ଜାତୀୟ ସ୍ତରରେ ପ୍ରତି ୮ ଜଣଙ୍କ ମଧ୍ୟରୁ ଜଣେ ମାନସିକ ରୋଗର ଶିକାର ହେଉଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନ ଏ ନେଇ ସମଗ୍ର ବିଶ୍ୱବାସୀଙ୍କୁ ସଚେତନ କରୁଛି । ଆଜିକାଲି ଚିନ୍ତା ଏବଂ ଅବସାଦ ଏକ ସାଧାରଣ କଥା ହୋଇଗଲାଣି । ଏହାର ଅନେକ କାରଣ ହୋଇପାରେ, ଯେପରି କି, କାମର ବୋଝ, ଆର୍ଥିକ ଅସୁବିଧା କିମ୍ବା ସମ୍ପର୍କରେ ସମସ୍ୟା ।
ଡିପ୍ରେସନ୍ ଏକ ମାନସିକ ଡିସ୍ଅର୍ଡର, ଯେଉଁ କାରଣରୁ ମଣିଷ ନିଜକୁ ଦୁଃଖୀ, ନିରାଶ ଏବଂ ମୂଲ୍ୟହୀନ ଅନୁଭବ କରିଥାଏ । ଡିପ୍ରେସନ୍ ହେତୁ ବ୍ୟକ୍ତିର ଦୈନନ୍ଦିନ ଜୀବନ ଉପରେ ଏହାର ଖରାପ ପ୍ରଭାବ ପଡିଥାଏ । ଆଜି ଆମେ ଆପଣଙ୍କୁ ଡିପ୍ରେସନ୍ର କିଛି ପ୍ରାଥମିକ ସଙ୍କେତ ବିଷୟରେ ଜଣାଇବୁ ।
-ଡିପ୍ରେସନ୍ କାରଣରୁ ବ୍ୟକ୍ତି ଅନେକ ଥର ସପ୍ତାହ କିମ୍ବା ମାସେ ଯାଏ ନିଜକୁ ଦୁଃଖୀ ଏବଂ ଏକାକୀ ଅନୁଭବ କରିଥାଏ ।
-ଡିପ୍ରେସନ୍ର ଶିକାର ହୋଇଥିବା ବ୍ୟକ୍ତି କୌଣସି କାର୍ଯ୍ୟ ତଥା ଆକ୍ଟିଭିଟି କରିବା ପାଇଁ ଆଗ୍ରହ ପ୍ରକାଶ କରନ୍ତି ନାହିଁ । କୌଣସି କାମରେ ସେମାନଙ୍କୁ ମଜା ଆସେ ନାହିଁ ।
-ଡିପ୍ରେସନ୍ କାରଣରୁ ବ୍ୟକ୍ତିର ଭୋକରେ ପରିବର୍ତ୍ତନ ଦେଖାଯାଇଥାଏ । ଏହି କାରଣରୁ ବ୍ୟକ୍ତିର ଓଜନ ହଠାତ୍ କମିଯାଏ କିମ୍ବା ବଢିଯାଏ ।
-ଡିପ୍ରେସନ୍ରେ ନିଦ ସମସ୍ୟା ଏକ ସାଧାରଣ କଥା । ଏହି କାରଣରୁ ଲୋକମାନେ ଅତ୍ୟଧିକ ଶୋଇଥାନ୍ତି କିମ୍ବା ଆଦୌ ଶୋଇପାରନ୍ତି ନାହିଁ । ପୂରା ରାତିର ନିଦ ପରେ ମଧ୍ୟ ନିରନ୍ତର ଥକ୍କାପଣ ଏବଂ ଶକ୍ତିହୀନ ଅନୁଭବ ହେବା ଡିପ୍ରେସନ୍ର ଏକ ବିଶେଷ ଲକ୍ଷଣ ।
-ଡିପ୍ରେସନ୍ ବ୍ୟକ୍ତିର ଏକାଗ୍ରତା, ମନେ ରଖିବା ଏବଂ ନିଷ୍ପତ୍ତି ନେବାର କ୍ଷମତାକୁ ଖରାପ କରିଦେଇଥାଏ । ଏହାର ପ୍ରଭାବ ସେମାନଙ୍କ କାମ ଉପରେ ପଡିଥାଏ ।
-ଡିପ୍ରେସନ୍ କାରଣରୁ ବ୍ୟକ୍ତି ଚିଡିଚିଡା ଏବଂ ଛୋଟ ଛୋଟ କଥାରେ କ୍ରୋଧିତ ହେବାର ନଜର ଆସନ୍ତି ।
-ଏହି ସ୍ଥିତିରେ ଥିବା ବ୍ୟକ୍ତିମାନେ ପ୍ରାୟତଃ ନକାରାତ୍ମକ ଚିନ୍ତାଧାରା, ନିଜକୁ ଦୋଷୀ କରିବା, ଅନାବଶ୍ୟକ ଭାବନା ଏବଂ ଭବିଷ୍ୟତକୁ ନେଇ ନିରାଶ ଅନୁଭବ କରନ୍ତି ।
-ଡିପ୍ରେସନ୍ରେ ପୀଡିତ ବ୍ୟକ୍ତି ସାଙ୍ଗ ସାଥି, ସମ୍ପର୍କୀୟ ଏବଂ ସାମାଜିକ କାର୍ଯ୍ୟକ୍ରମରୁ ନିଜକୁ ଦୂରେଇ ରଖନ୍ତି ।
-ଏହି ବ୍ୟକ୍ତିମାନଙ୍କୁ ସବୁବେଳେ ଜୀବନ ହାରିବା ଏବଂ ମୃତ୍ୟୁର ଭାବନା ଆସିଥାଏ । ଏପରି ଚିନ୍ତାଧାରା ଆସିବା ଡିପ୍ରେସନ୍ର ସବୁଠାରୁ ବିପଜ୍ଜନକ ସ୍ଥିତି ହୋଇଥାଏ ।
