କେନ୍ୟୁଜ୍(ବ୍ୟୁରୋ): ପୁଣି ସଙ୍କଟରେ ଗଜରାଜ । ଟ୍ରକ୍ ଧକ୍କାରେ ହାତୀର ଗଲା ଜୀବନ । ଢେଙ୍କାନାଳ ସଦର ରେଞ୍ଜ ଅନ୍ତର୍ଗତ ଜୀବନଖୋଲ ନିକଟରେ ଦନ୍ତା ହାତୀର ମୃତ୍ୟୁ ହୋଇଛି । ହାତୀ ପଲ ରାସ୍ତା ପାର ହେଉଥିବା ସମୟରେ ଟ୍ରକଟି ଧକ୍କା ଦେଇଥିବା ସନ୍ଦେହ କରାଯାଉଛି । ଆଜି ଭୋର ସମୟରେ ଦୁର୍ଘଟଣା ଘଟିଥିଲା। ଛୁଆ ହାତୀଟି ଟ୍ରକ ଚକା ତଳେ ଚାପି ହୋଇ ଯାଇଥିଲା । ବନବିଭାଗ ଅଧିକାରୀ ଘଟଣାସ୍ଥଳରେ ପହଞ୍ଚି କ୍ରେନ୍ ମାଧ୍ୟମରେ ଟ୍ରକକୁ ହଟାଇ ହାତୀର ବ୍ୟବଛେଦ କରାଇଛନ୍ତି। ଦୁର୍ଘଟଣା ଘଟାଇବା ପରେ ଟ୍ରକ ଡ୍ରାଇଭର ଫେରାର ହୋଇଯାଇଛି। ଏହି ଘଟଣାକୁ ନେଇ ସ୍ଥାନୀୟଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ