ଭୁବନେଶ୍ୱର(କେନ୍ୟୁଜ୍): ଭୁବନେଶ୍ୱର ମାର୍କେଟ ବିଲ୍ଡିଂ ସ୍ଥିତ କେଶରୀ ମଲ୍ରେ ଭୟାବହ ଅଗ୍ନିକାଣ୍ଡ । ୮ଟି ଦୋକାନ ସମ୍ପୂର୍ଣ୍ଣ ଛାରଖାର । ୧୦ ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଛି। ଅଗ୍ନିକାଣ୍ଡ ବେଳେ ମଲ୍ ବନ୍ଦ ଥିବାରୁ କୌଣସି ଗ୍ରାହକ, ଦୋକାନ ମାଲିକ ଓ କର୍ମଚାରୀ ନଥିଲେ ।
୩ଟି ଦମକଳ ଗାଡି ପହଂଚି ନିଆଁକୁ ଆୟତ୍ତ କରିଥିଲେ । ଘଣ୍ଟାଏ କାଳ ମଲ୍ ଧୂଆଁ ମୟ ହୋଇଯାଇଥିଲା । ରାତି ପ୍ରାୟ ସାଢେ ୧୦ଟା ବେଳେ ମଲ୍ର ପ୍ରଥମ ମହଲାରେ ଥିବା ଏକ ଡ୍ରେସ୍ ଦୋକରୁ ପ୍ରବଳ ଧୂଆଁ ବାହାରୁଥିବା ଦେଖାଯାଇଥିଲା ।
ସେହି ରାସ୍ତା ଦେଇ ଯାଉଥିବା ଲୋକ ପୋଲିସ ଓ ଅଗ୍ନିଶମ ବିଭାଗକୁ ଜଣାଇଥିଲେ । ତୁରନ୍ତ ଅଗ୍ନିଶମବାହିନୀ ଆସି ନିଆଁକୁ ଆୟତ୍ତ କରିଥିଲେ।