କେନ୍ୟୁଜ୍(ବ୍ୟୁରୋ): କୋଭିଡ ହସପିଟାଲ ଆଗରେ ମୁତୟନ ହେଲେ ଅଗ୍ନିଶମ ବାହିନୀ । କୌଣସି ଅଘଟଣ ଏଡାଇବାକୁ କୋଭିଡ ହସପିଟାଲ ଆଗରେ ଅଗ୍ନିଶମ ବାହିନୀକୁ ମୁତୟନ କରାଯାଇଛି । ଦମକଳ ବାହିନୀ ସହ ମୁତୟନ ହୋଇଛନ୍ତି ଅଗ୍ନିଶମ କର୍ମଚାରୀ । ଏହାସହ ବିଭିନ୍ନ ସାମଗ୍ରୀକୁ ମଧ୍ୟ ପ୍ରସ୍ତୁତ କରି ରଖାଯାଇଛି ।
ମହାମାରୀ ସମୟରେ ଦେଶର ଅନେକ କୋଭିଡ ହସପିଟାଲରେ ଅଗ୍ନିକାଣ୍ଡ ଘଟି ରୋଗୀ ପ୍ରାଣ ହରାଇଛନ୍ତି । ଏହାକୁ ନଜରରେ ରଖି ଆଗୁଆ ପ୍ରସ୍ତୁତି କରିଛି ଓଡ଼ିଶା ଅଗ୍ନିଶମ ବିଭାଗ । ରାଜ୍ୟର ୪୮ଟି କୋଭିଡ ହସପିଟାଲରେ ଅଗ୍ନିଶମ ବ୍ୟାପକ ବ୍ୟବସ୍ଥା କରାଯାଇଛି । ପ୍ରତି ହସପିଟାଲରେ ୬ ଜଣ ଲେଖାଏଁ ଅଗ୍ନିଶମ କର୍ମଚାରୀ ମୁତୟନ ହୋଇଛନ୍ତି । କଟକ ସହରରେ ୪ଟି କୋଭିଡ଼ ହସପିଟାଲରେ ମଧ୍ୟ ପ୍ରସ୍ତୁତି କରାଯାଇଛି । ଏହାସହ ପରିସ୍ଥିତି ଉପରେ ନଜର ରଖିଛି ଅଗ୍ନିଶମ ଟିମ୍ ।