ପୂର୍ବତନ ମନ୍ତ୍ରୀ ତଥା ସ୍ୱାଧୀନତା ସଂଗ୍ରାମୀ ଦୋଳଗୋବିନ୍ଦ ପ୍ରଧାନଙ୍କ ପରଲୋକ
ଭୁବନେଶ୍ୱର (କେନ୍ୟୁଜ୍) : ପୂର୍ବତନ ମନ୍ତ୍ରୀ ତଥା ସ୍ୱାଧୀନତା ସଂଗ୍ରାମୀ ଦୋଳଗୋବିନ୍ଦ ପ୍ରଧାନଙ୍କ ପରଲୋକ । ୮୯ ବର୍ଷ ବୟସରେ ଭୁବନେଶ୍ୱରରେ ତାଙ୍କର ନିଧନ ହୋଇଛି । ୨ ଥର ବିଧାୟକ ଭାବେ ନିର୍ବାଚିତ ହୋଇଥିଲେ ଦୋଳଗୋବିନ୍ଦ । ଅଷ୍ଟମ ଓ ନବମ ବିଧାନସଭାକୁ ନିର୍ବାଚିତ ହୋଇଥିଲେ । ୧୯୮୦ରୁ ୧୯୯୦ ପର୍ୟ୍ୟନ୍ତ କଟକ ସଦର ନିର୍ବାଚନ ମଣ୍ଡଳୀରୁ ୨ଥର ବିଧାୟକ ଥିଲେ। ଏହାସହ ୧୯୮୯ରୁ ୧୯୯୦ ପର୍ୟ୍ୟନ୍ତ ସେ ରାଜ୍ୟର ନଗର ଉନ୍ନୟନ ମନ୍ତ୍ରୀ ଥିଲେ।
ଓ୍ଵାର୍ଡ ମେମ୍ବରରୁ ରାଜନୈତିକ କ୍ୟାରିୟର ଆରମ୍ଭ କରିଥିବା ଦୋଳଗୋବିନ୍ଦ ମନ୍ତ୍ରୀ ହୋଇଥିଲେ । କେବଳ ରାଜନୀତି ନୁହେଁ ଦୁର୍ବଳ ବର୍ଗର ଉତ୍ଥାନ ପାଇଁ କାମ କରୁଥିଲେ । ଅନେକ ସାଂସ୍କୃତିକ ଓ ସାମାଜିକ ସଙ୍ଗଠନ ସହ ଜଡିତ ଥିଲେ । ଭାରତ ଛାଡ ଆନ୍ଦୋଳନରେ ଯୋଗ ଦେଇ ୩ ବର୍ଷ ୨ ମାସ ଧରି କାରା ବରଣ କରିଥିଲେ ଦୋଳ ଗୋବିନ୍ଦ । ସେପଟେ ଶେଷ ଦର୍ଶନ ପାଇଁ ଭୁବନେଶ୍ୱର ବାସଭବନରେ ଶୁଭେଚ୍ଛୁଙ୍କ ଭିଡ ଜମିଛି । ଆଜି ଅପରାହ୍ନରେ ତାଙ୍କର ଶେଷକୃତ୍ୟ ହେବ।
