ପୁରୀ(କେନ୍ୟୁଜ୍): ପୁରୀ ମାଉସୀ ମାଆ ମନ୍ଦିରରୁ ଚୋରିକୁ ନେଇ ଚିନ୍ତାପ୍ରକଟ କରିଛନ୍ତି ଗଜପତି ମହାରାଜ ଦିବ୍ୟସିଂହ ଦେବ । ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ପୋଲିସ ପ୍ରଶାସନ ନିକଟରେ ଦାବି କରିଛନ୍ତି । ଏହାସହ ଶ୍ରୀକ୍ଷେତ୍ରରେ ସବୁ ଧାର୍ମିକ ସ୍ଥଳରେ ନିରାପତ୍ତା ବ୍ୟବସ୍ଥାକୁ ସୁନିଶ୍ଚିତ ଓ ଫଳପ୍ରଦ କରିବା ପାଇଁ ଏକ ଜିଲ୍ଲା ପ୍ରଶାସନ ଓ ପୋଲିସ ଏକ ବିସ୍ତୃତ ଓ ପ୍ରଭାବୀ ରଣନୀତି ପ୍ରସ୍ତୁତ କରିବାକୁ କହିଛନ୍ତି ଗଜପତି ମହାରାଜ ।
ଶ୍ରୀମନ୍ଦିରଠାରୁ କେଇ ଶହ ମିଟର ଦୂରରେ ରହିଛି ମାଉସୀ ମାଆ ମନ୍ଦିର । ଏଠାରୁ ଚୋରି ଶ୍ରୀକ୍ଷେତ୍ରରେ ଥିବା ଅନ୍ୟ ମନ୍ଦିରର ସୁରକ୍ଷା ବ୍ୟବସ୍ଥାକୁ ପ୍ରତି ଚ୍ୟାଲେଞ୍ଜ ସୃଷ୍ଟି କରିଛି । ନିକଟରେ ପୁରୀରେ ସୁରକ୍ଷା ବ୍ୟବସ୍ଥାର ଅନୁଧ୍ୟାନ କରିଛି ନ୍ୟାସନାଲ୍ ସିକ୍ୟୁରିଟି ଗାର୍ଡ ବା ଏନଏସଜି ।