କଟକ(କେନ୍ୟୁଜ୍): ଟାଙ୍ଗୀ ଥାନା ଅନ୍ତର୍ଗତ ଗୋବିନ୍ଦପୁର ପଞ୍ଚାୟତର ସବରପଲ୍ଲି ସାହିରେ ବଜ୍ରପାତ ଘଟି ୨ ବଖରା ଘର ଜଳିଯାଇଛି । ଏଥିରେ ଜଣେ ଗୁରୁତର ହୋଇଥିବା ସୂଚନା ମିଳିଛି। ଗୁରୁତର ଜଣଙ୍କ ହେଲେ ରେଣୁ ଦେହୁରୀ । ବିଲରୁ କାମ ସାରି ଭାଗ୍ୟଧର ଦେହୁରୀ ଏବଂ ତାଙ୍କ ପତ୍ନୀ ରେଣୁ ଦେହୁରୀ ଘର ଭିତରେ ଖାଉଥିବା ସମୟରେ ଘର ଉପରକୁ ବଜ୍ରପାତ ହୋଇଥିଲା। ବଜ୍ରପାତ ଯୋଗୁଁ ତାଙ୍କର ସମସ୍ତ ଆସବାପତ୍ର ସହିତ ଜରୁରୀ କାଗଜପତ୍ର ପୋଡି ପାଉଁଶ ହୋଇଯାଇଛି ।
ବଜ୍ରପାତରେ ଭାଗ୍ୟଧରଙ୍କ ପତ୍ନୀ ଗୁରୁତର ହୋଇ ପଡିଥିଲେ । ଏହି ଖବର ପାଇ ପଞ୍ଚାୟତ ସରପଞ୍ଚ ପ୍ରଶାନ୍ତ ସାହୁ ଘଟଣା ସ୍ଥଳରେ ପହଞ୍ଚି ଅଗ୍ନିଶମ ବାହିନୀକୁ ଖବର ଦେବା ସହିତ ରେଣୁ ଦେହୁରୀକୁ କଟକ ବଡ ମେଡିକାଲ ପଠାଇଛନ୍ତି । ବିଧାୟକ ପ୍ରଶାନ୍ତ ବେହେରା ଏହି ଘଟଣାରେ ପୀଡିତ ପରିବାରଙ୍କୁ ଆର୍ଥିକ ସହୟତା ଯୋଗାଇ ଦେଇଛନ୍ତିା ଏହି ପରିବାରଟି ଦିନ ମୁରିଆ ହୋଇଥିବାରୁ ତାଙ୍କୁ ତରୁନ୍ତ ସରକାରୀ ସହୟତା ଯୋଗାଇ ଦେବାକୁ ଅଞ୍ଚଳବାସୀମାନେ ଦାବୀ କରିଛନ୍ତି ।