କେନ୍ଦୁଝର(କେନ୍ୟୁଜ୍): କେନ୍ଦୁଝର ଟାଉନ ଥାନା ଅନ୍ତର୍ଗତ ମାଣ୍ଡୁଆ ମୁଣ୍ଡା ସାହିର ସାହିବ ମୁଣ୍ଡା ନାମକ ଜଣେ ୬୫ ବର୍ଷ ବୃଦ୍ଧ ସେହି ଗାଁରେ ରହୁଥିବା ରିଉ ମୁଣ୍ଡାଙ୍କ ସ୍ତ୍ରୀଙ୍କୁ ନେଇ ପଳାଇଥିଲେ । ଘଟଣାର ୫ ଦିନ ପରେ ରିଉ ସ୍ତ୍ରୀ କଥା ଭାବି ମୃତ୍ୟୁ ବରଣ କରିଥିଲେ । ଆଜି ତାଙ୍କ ମୃତ୍ୟୁର ୧୦ ଦିନ ହୋଇଥିବା ବେଳେ ଘରକୁ ଫେରିଥିଲେ ସାହିବ ।
ରିଉଙ୍କ ୩ ଝିଅ ଓ ଗୋଟିଏ ପୁଅ ଥିବା ବେଳେ ସାହିବଙ୍କ ଦୁଇ ପୁଅ ବିଭାହିତ। ଆଜି ସାହିବ ଘରକୁ ଫେରିବା ପରେ ଏହି ଘଟଣାରେ ଉତ୍ୟକ୍ତ ଗାଁ ଲୋକେ ଏକତ୍ରିତ ହୋଇ ସାହିବଙ୍କୁ ବିଦ୍ୟୁତ ଖୁଣ୍ଟରେ ବାନ୍ଧି ପକାଇଥିଲେ ଓ ଉତ୍ତମ ମଧ୍ୟମ ଦେଇଥିଲେ। ପରେ ଖବର ପାଇ ଟାଉନ ଥାନା ପୋଲିସ ଘଟଣା ସ୍ଥଳକୁ ଆସି ସମ୍ପୃକ୍ତ ବୃଦ୍ଧଙ୍କୁ ଉଧାର କରି ଥାନାକୁ ନେଇ ପଚରା ଉଚାରା କରୁଛି।