ପଟ୍ଟାମୁଣ୍ଡାଇ ତହସିଲ ଅଫିସ ସମ୍ମୁଖରୁ ଧାରଣାରୁ ଉଠିଲେ ସାମ୍ବାଦିକ, ମାମଲା ପ୍ରତ୍ୟାହାର ନେଇ ତହସିଲଦାର ଦେଲେ ପ୍ରତିଶ୍ରୁତି
କେନ୍ୟୁଜ୍(ବ୍ୟୁରୋ): ପଟ୍ଟାମୁଣ୍ଡାଇ ତହସିଲ ସମ୍ମୁଖରୁ ଧାରଣାରୁ ଉଠିଲେ ସାମ୍ବାଦିକ। ଅଭିଯୋଗ ପ୍ରତ୍ୟାହାର କରିବା ନେଇ ତହସିଲଦାର ପ୍ରତିଶ୍ରୁତି ଦେବା ପରେ ଧାରଣାରତ ସାମ୍ବାଦିକମାନେ ଧାରଣାରୁ ହଟିଛନ୍ତି । ଗତ ଶନିବାର ପଟ୍ଟାମୁଣ୍ଡାଇ ବ୍ଲକ କଣିପାଳ ଗାଁର କିଛି ଚାଷୀ ବେଆଇନ ଇଟାଭାଟିକୁ ବିରୋଧ କରି ତହସିଲଦାରଙ୍କ ନିକଟରେ ଅଭିଯୋଗ କରିଥିଲେ ।
ଏହାକୁ କେନ୍ଦ୍ରକରି ଚାଷୀ ଓ ତହସିଲଦାରଙ୍କ ମଧ୍ୟରେ ହାତାହାତି ହୋଇଥିଲା । ଏଥିରେ ତହସିଲଦାର ୨ ଜଣ ଚାଷୀଙ୍କ ନାଁରେ ଥାନାରେ ଅଭିଯୋଗ କରିବା ସହ ଜଣେ କାର୍ଯ୍ୟରତ ସାମ୍ବାଦିକଙ୍କ ନାଁରେ ମିଥ୍ୟା ଅଭିଯୋଗ କରିଥିଲେ । ଏହକୁ ବିରୋଧ କରି ଆଜି ପଟ୍ଟାମୁଣ୍ଡାଇ ତହସିଲ ସମ୍ମୁଖରେ ସାମ୍ବାଦିକମାନେ ଧାରଣାରେ ବସିଥିଲେ ।
