କାଳିଆ ଯୋଜନା ଓ ପିଏମ କିଷାନର ହୋଇପାରେ ମିଶ୍ରଣ, ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ କଥାବାର୍ତ୍ତା
କେନ୍ୟୁଜ୍(ବ୍ୟୁରୋ):କାଳିଆ ଯୋଜନା ଓ ପିଏମ କିଷାନର ହୋଇପାରେ ମିଶ୍ରଣ । ଏନେଇ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ କଥାବାର୍ତ୍ତା ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ଏବେ ବିଧିବଦ୍ଧ ନିଷ୍ପତ୍ତି ଘୋଷଣାକୁ ଅପେକ୍ଷା । ୨୦୧୮ ଡିସେମ୍ବର ୨୧ତାରିଖରେ ରାଜ୍ୟର କୃଷକଙ୍କ ଉନ୍ନତି ପାଇଁ ସରକାର କାଳିଆ ଯୋଜନାର ଶୁଭାରମ୍ଭ କରିଥିଲେ। ଏହାଦ୍ୱାରା ଗରିବ, ଭୂମିହୀନ ଓ ଭାଗଚାଷୀ ଉପକୃତ ହେଉଛନ୍ତି । ଏହି ଯୋଜନା ମାଧ୍ୟମରେ ସିଧାସଳଖ ହିତାଧିକାରୀଙ୍କ ବ୍ୟାଙ୍କ ଖାତାରେ ବର୍ଷକୁ ଦୁଇଟି କିସ୍ତିରେ ୫ ହଜାର ଟଙ୍କା ଲେଖାଏ ଜମା କରାଯିବାର ବ୍ୟବସ୍ଥା କରାଯାଇଛି। ସେହିପରି ଦେଶର କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ସହାୟତା ଯୋଗାଇ ଦେବାକୁ କେନ୍ଦ୍ର ସରକାର ୨୦୧୯ ଫେବୃଆରି ୧ତାରିଖରେ ପିଏମ କିଷାନ ଯୋଜନାର ଶୁଭାରମ୍ଭ କରିଥିଲେ। ସେମାନଙ୍କୁ ବର୍ଷକୁ ୬ହଜାର ଟଙ୍କା ସର୍ବନିମ୍ନ ଆୟ ସହାୟତା ଯୋଗାଇ ଦେବାକୁ ବ୍ୟବସ୍ଥା ରହିଛି।