ଯାତ୍ରୀବାହୀ ବସ୍କୁ ଗୁଳିମାଡ ଘଟଣା: ସାହସିକତାର ପରିଚୟ ଦେଲେ ଏସ୍ଏସ୍ବି ଯବାନ, ଫିଲ୍ମ ଷ୍ଟାଇଲରେ ଦୁର୍ବୃତ୍ତଙ୍କ ଠାରୁ ଛଡାଇ ଆଣିଥିଲେ ବନ୍ଧୁକ
ଢେଙ୍କାନାଳ: ସାହସିକତା ଦେଖାଇଲେ, ପ୍ରଶଂସା ପାଇଲେ । କେନ୍ଦୁଝର ଦ୍ୱିତୀୟ ଏସ୍ଏସ୍ବି ବାଟାଲିଅନ୍ର ଯବାନ ହିମାଂଶୁ ଶେଖର ପାତ୍ରଙ୍କୁ ପ୍ରଶଂସା କରିଛନ୍ତି ଆଇଜି ଅପରେସନ୍ ଅମିତାଭ ଠାକୁର । ଗୁଳିମାଡ ବେଳେ ଦୁର୍ବୃତ୍ତଙ୍କ ନିକଟରୁ ଫିଲ୍ମ ଷ୍ଟାଇଲରେ ବନ୍ଧୁକ ଛଡାଇ ଆଣିଥିଲେ ହିମାଂଶୁ । ଗତକାଲି ରାତିରେ ଢେଙ୍କାନାଳ ଜିଲ୍ଲା ଭୁବନ ବାଜି ରାଉତ ବ୍ରିଜ୍ ଉପରେ ଓଭରଟେକକୁ ନେଇ ଯାତ୍ରୀବାହୀ ବସ୍ ଉପରକୁ ଗୁଳିମାଡ ହୋଇଥିଲା ।
Very gallant act by Sepoy Himansu Sekhar Patra 2nd SSBn Keonjhar in saving bus passengers from miscreants who had opened fire on the bus. To snatch the pistol on being fired upon and save lives is true bravery. 👍👏 #JaiHind @DGPOdisha @odisha_police @CMO_Odisha @SecyChief pic.twitter.com/w0ROvax8Ra
— AMITABH THAKUR (@AMITABHTHAKUR21) November 28, 2020
କଟକରୁ ଭୁବନ ଅଭିମୁଖେ ଯାଉଥିବା ଯାତ୍ରୀବାହୀ ବସ ଉପରକୁ ଗୁଳି ମାଡ଼ କରାଯାଇଛି । ବସଟିକୁ କପିଳାସ ନିକଟରେ ଦୁଇ ଜଣ ଯୁବକ ଓ ଜଣେ ଯୁବତୀ ବାଇକ ଯୋଗେ ଓଭରଟେକ କରିଥିଲେ । ଏପରିକି ଚାରି ପାଞ୍ଚ ଥର ବସର ଡ୍ରାଇଭର ଦୁର୍ଯ୍ୟୋଧନ ସ୍ୱାଇଁଙ୍କ ସହିତ ବାରମ୍ବାର ଓଭରଟେକକୁ ନେଇ ସେମାନଙ୍କର ଗାଳିଗୁଲଜ ହୋଇଥିଲା ।
ବାଜିରାଉତ ସେତୁ ନୀଳକଣ୍ଠପୁର ଗ୍ରାମ ଛକରେ ବସକୁ ଅଟକାଇ ସାଥୀ ଯୁବତୀଙ୍କ ଭ୍ୟାନିଟରୁ ବନ୍ଧୁକ କାଢି ଡ୍ରାଇଭର ଉପରକୁ ଗୁଳି ଚାଳନା କରିଥିଲେ । ଏହି ସମୟରେ ବସ୍ରେ ଯାଉଥିଲେ ଏସ୍ଏସ୍ବି ଯବାନ ହିମାଂଶୁ ଶେଖର । ଗୁଳିମାଡ ହେଉଥିବା ଦେଖି ଯବାନ ଜଣଙ୍କ ବସ୍ରୁ ଓହ୍ଲାଇ ଯୁବକଙ୍କ ନିକଟରୁ ବନ୍ଧୁକ ଛଡାଇ ଆଣିଥିଲେ ।