ଆଠଗଡ଼ ତିଗିରିଆ ରେଞ୍ଜରେ କଲରାପତରିଆ ଆତଙ୍କ, ଭୟରେ ଗାଁରେ ପଡ଼ିଯାଇଛି ତାଟି କବାଟ
ଆଠଗଡ଼(କେନ୍ୟୁଜ୍): ଗାଁରେ କଲରାପତରିଆ ଆତଙ୍କ । ଆଠଗଡ଼ ତିଗିରିଆ ରେଞ୍ଜରେ କଲରା ପତରିଆ ବାଘ ଆତଙ୍କ । ଭୟରେ ଅଞ୍ଚଳରେ ପଡ଼ିଯାଇଛି ତାଟି କବାଟ । ଗତକାଲି ଏକ ଦୁଇ ମାସର ବାଛୁରୀ ନିଖୋଜ ଥିଲା । ମିଳିଛି ଖଣ୍ଡ ବିଖଣ୍ଡିତ ମୃତଦେହ । ଗତକାଲିଠାରୁ ବାଛୁରୀ ମାଲିକ ବହୁ ଖୋଜାଖୋଜି କରିଥିଲେ । ଆଜି ପୁଣି ଗାଁ ନିକଟରେ ଘଞ୍ଚ ଜଙ୍ଗଲରେ ଖୋଜାଖୋଜି କରିଥିଲେ । କିନ୍ତୁ ବାଛୁରୀଟିର ମୃତଦେହ ଦେଖି ଆଶ୍ଚର୍ଯ୍ୟ ହୋଇପଡିଥିଲେ । ବାଛୁରୀର ବେକରେ ଦାନ୍ତର ଆଘାତ ଦେଖିଥିଲେ ।
ଖବର ପାଇ ଘଟଣାସ୍ଥଳରେ ବନ ବିଭାଗ ପହଞ୍ଚିଥିଲା । ତେବେ ଅଞ୍ଚଳରେ କଲରାପତରିଆ ବାଘ ଥିବା ସନ୍ଦେହ କରାଯାଉଥିବା କହିଛନ୍ତି ରେଞ୍ଜର । ଗତବର୍ଷ ଏହି ସମୟରେ ଏକ କଲରା ପତରିଆ ବାଘ ଫାଶରେ ପଡ଼ି ମୃତ୍ୟୁବରଣ କରିଥିଲା ।
