ରାଉରକେଲା ଫୁଟବଲ ଖେଳପଡ଼ିଆରେ ବଜ୍ରାଘାତ : ୨ ମୃତ, ୫ ଗୁରୁତର
ରାଉରକେଲା : ଫୁଟବଲ ଖେଳପଡ଼ିଆରେ ବଜ୍ରାଘାତ । ଏଥିରେ ୨ ଜଣଙ୍କ ମୃତ୍ୟୁ ହୋଇଛି । ୫ ଜଣଙ୍କୁ ଗୁରୁତର ଅବସ୍ଥାରେ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି । ଗତକାଲି ରାଉରକେଲା ହାତୀବାରୀ ଗାଁରେ ଘଟିଛି ଏହି ଅଘଟଣ । ୨୦ଜଣ ପିଲା ଫୁଟବଲ ଖେଳୁଥିବାବେଳେ ବଜ୍ରପାତ ହୋଇଥିଲା । ଘଟଣାସ୍ଥଳରେ ଜଣେ ପ୍ରାଣ ହରାଇଥିଲେ । ଅନ୍ୟମାନଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଜଣଙ୍କ ମୃତ୍ୟୁ ହୋଇଛି।
