ମୟୁରଭଞ୍ଜ: ମହଙ୍ଗା ସମୟରେ ପେଟ୍ରୋଲ ପମ୍ପରୁ ବାହାରୁଛି ପାଣି, ତାତିଲେ ଲୋକେ
କରଞ୍ଜିଆ (କେନ୍ୟୁଜ୍): ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ରାସ୍ତା କଡରେ ଥିବା ରିଲାଏନ୍ସ ପେଟ୍ରୋଲ ପମ୍ପରୁ ପେଟ୍ରୋଲ ସାଥିରେ ବାହାରୁଛି ପାଣି। ଆଜି ଗ୍ରାହକଙ୍କୁ ପେଟ୍ରୋଲ ଦେବା ସମୟ ରେ ପେଟ୍ରୋଲ ସହିତ ପାଣି ବାହାରୁ ଥିଲା । ଏହାକୁ ନେଇ କିଛି ସମୟ ପାଇଁ ଉତ୍ତେଜନା ପରିସ୍ଥିତି ସୃଷ୍ଟି ହେଇଥିଲା । ସଙ୍ଗେ ସଙ୍ଗେ ଚଢେଇଭୋଳ ଫାଣ୍ଡି ଅଧିକାରୀ ଓ ପରେ କରଞ୍ଜିଆ ଥାନା ଅଧିକାରୀ ରଞ୍ଜନ କୁମାର ସେଠୀ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଜନସାଧାରଣଙ୍କୁ ବୁଝାସୁଝା କରିଥିଲେ
ଉତ୍ୟେକ୍ତ ଲୋକେ ଦାବି କରିଥିଲେ ଯେ ଏହାକୁ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ଏହି ଘଟଣାକୁ ପୋଲିସ ଗୁରୁତ୍ୱର ସହ ନେଇ ତଦନ୍ତ ନ ସରିବା ପର୍ଯ୍ୟନ୍ତ ପେଟ୍ରୋଲ ପମ୍ପକୁ ବନ୍ଦ କରିଛି । ଆସନ୍ତାକାଲି ପେଟ୍ରୋଲରେ ପାଣି କେମିତି ମିଶିଲା ଓ ଏହାଦ୍ବାରା କାହାର ଗାଡି ଖରାପ ହେଇଛି ତଦନ୍ତ କରାଯିବ ବୋଲି କରଞ୍ଜିଆ ଥାନା ଅଧିକାରୀ ସୂଚନା ଦେଇଛନ୍ତି । ତେବେ ରିଲାଏନ୍ସ ପେଟ୍ରୋଲ ପମ୍ପର କର୍ମଚାରୀ ମାନେ ମାନିଛନ୍ତି ଯେ ଟାଙ୍କିରେ ଲିକେଜ ଥିବା କାରଣରୁ ଟାଙ୍କିରୁ ପେଟ୍ରୋଲ ସହିତ ପାଣି ବାହାରୁଛି ।
