କେନ୍ଦୁଝର: ରାମଚନ୍ଦ୍ରପୁର ଥାନା ପହାଡପୁର ନିକଟ ନିଚ୍ଛାଟିଆ ରାସ୍ତାରେ ଲୁଟେରା ଆତଙ୍କ, ମରଣାନ୍ତକ ଆକ୍ରମଣ କରି ଯୁବକଙ୍କ ଠାରୁ ଲୁଟେଲେ ବାଇକ
ଆନନ୍ଦପୁର(କେନ୍ୟୁଜ୍): ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ପହାଡପୁର ନିକଟ ନିଚ୍ଛାଟିଆ ରାସ୍ତା ରେ ଜଣେ ଯୁବକଙ୍କୁ ୪-୫ ଜଣ ଦୁର୍ବୃତ୍ତ ମରଣାନ୍ତକ ଆକ୍ରମଣ କରି ବାଇକି ଲୁଟିନେଇଛନ୍ତି । ଗୁରୁତର ଯୁବକ ଭଗାନଇ ଗାଁ ର ରବିନ୍ଦ୍ର ଦେହୁରୀ ବୋଲି ସୂଚନା ମିଳିଛି । ରବିନ୍ଦ୍ରଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଆନନ୍ଦପୁର ଡାକ୍ତରଖାନା ରେ ଭର୍ତ୍ତି କରାଯାଇଛି। ଘଟଣା ସମ୍ପର୍କରେ ଥାନାରେ ଲିଖିତ ଅଭିଯୋଗ ପରେ ପୋଲିସ୍ ତଦନ୍ତ ଆରମ୍ଭ କରିଛି ।
ଗତକାଲି ସନ୍ଧ୍ଯାରେ ରବୀନ୍ଦ୍ର ବାଇକ୍ ଯୋଗେ ନିଜ ଶ୍ବଶୁର ଘର ପଟିଲୋ ଗାଁ କୁ ଯାଇଥିଲେ। ସେଠାରୁ କାମ ସାରି ଏକାକି ଫେରୁଥିବା ସମୟରେ ପାହାଡପୁର ୟରାସ୍ତାରେ ହଠାତ୍ ୪-୫ ଜଣ ଦୁର୍ବୃତ୍ତ ରାସ୍ତା ଉପରକୁ ଆସି ରବିନ୍ଦ୍ରଙ୍କୁ ଅଟକାଇ ଠେଙ୍ଗା ଓ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରି ବାଇକ ଲୁଟିନେଇଥିଲେ।
