କଟକ: ବଇଚୁଆଁ ରିଲାଏନ୍ସ ପ୍ରେଟୋଲ ପମ୍ଫରୁ ବନ୍ଧୁକ ଦେଖାଇ ଲୁଟିନେଲେ ୩ ଲୁଟେରା, ସିସିଟିଭିକୁ କରିଦେଲେ ଗୁଣ୍ଡ
ଚୌଦ୍ବାର(କେନ୍ୟୁଜ୍): କଟକ ଜିଲ୍ଲା ଟାଙ୍ଗୀ ଥାନା ୧୬ନଂ ଜାତୀୟ ରାଜପଥ କଡରେ ଥିବା ବଇଚୁଆଁ ରିଲାଏନ୍ସ ପ୍ରେଟୋଲ ପମ୍ଫରୁ ବନ୍ଧୁକ ମୁନରେ ଲୁଟ କରିବା ସହ କର୍ମଚାରୀ ଙ୍କୁ ମାଡ ମାରିବା ଅଭିଯୋଗ ହୋଇଛି । ସୂଚନା ଅନୁସାରେ ତିନି ଜଣ ଲୁଟେରା ପଲସର ବାଇକରେ ଆସି ବନ୍ଧୁକ ଦେଖାଇ ଅଫିସ ରୁମରେ ପଶି ପମ୍ପ କର୍ମଚାରୀଙ୍କୁ ମାଡ ମାରି ଭୟଭୀତ କରିବା ସହ ୧୯ହଜାରରୁ ଅଧିକ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।
ଏଥିସହ ଫାଙ୍କା ଗୁଳିମାଡ କରି ଜଗୁଆଳି ଠାରୁ ବନ୍ଧୁକ ଛଡାଇ ନେଇ ଘଟଣା ସ୍ଥଳରୁ ଚମ୍ପଟ ମାରିଛନ୍ତି । ସମସ୍ତ ଦୃଶ୍ୟ ପେଟ୍ରୋଲ ପମ୍ପର ସିସିଟିଭିରେ କଏଦ ହୋଇଥିବା ବେଳେ ଲୁଟେରା ମାନେ ସିସି କ୍ୟାମେରାକୁ ଭାଙ୍ଗି ଦେଇଥିବା ଦେଖିବାକୁ ମିଳିଛି ।
