ଗଞ୍ଜାମ: କବାଟ ଭାଙ୍ଗି କଳାକନା ବୁଲାଇଲେ ଚୋର, ଲୁଟିନେଲେ ୧୫ ଭରି ସୁନା ସହ ନଗଦ ଟଙ୍କା
ଗଞ୍ଜାମ(କେ ନ୍ୟୁଜ): ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ପଦ୍ମନାଭପୁର ଗାଁର ସୁରେନ୍ଦ୍ର ରେଡିଙ୍କ ଘରେ କଳାକନା ବୁଲାଇଛନ୍ତି ଚୋର । ଘର ବାରିପଟ କବାଟ ଭାଙ୍ଗି ଘରେ ପଶି ଆଲମାରୀରେ ଥିବା ପନ୍ଦର ଭରି ସୁନା ଅଳଙ୍କାର ଓ ପାଖାପାଖି ପନ୍ଦର ହଜାର ଟଙ୍କା ଚୋରୀ କରି ନେଇଯାଇଛନ୍ତି ଚୋର ।
ଚୋର ଘରେ ପଶିଥିବା ସମୟରେ ଭିତରେ ପରିବାର ଲୋକେ ଶୋଇଥିଲେ ମଧ୍ୟ ଚୋରୀ ବାବଦରେ ଜାଣିପାରି ନ ଥିଲେ । ଥାନାରେ ଏତଲା ଦିଆଯିବା ପରେ ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
