ଭୁବନେଶ୍ବରରୁ ମୋଷ୍ଟ ୱାଣ୍ଟେଡ ଶିବା ଗିରଫ: ୩ଟା ଥାନାରେ ଥିଲା ୧୫ ମାମଲା
ଭୁବନେଶ୍ବର(କେନ୍ୟୁଜ୍): ମୋଷ୍ଟ ୱାଣ୍ଟେଡ ଶିବା ଗିରଫ। ରାଜଧାନୀରେ ଚେନ ଝମ୍ପା ଗ୍ୟାଙ୍ଗକୁ ଧରିଲା ଖଣ୍ଡଗିରି ଥାନା ପୁଲିସ। ବାପାଙ୍କ ଦଶାହ କାର୍ଯ୍ୟରେ ଯୋଗ ଦେବ କହି ପାରୋଲୋରେ ଝାରପଡା ଜେଲରୁ ଗତ ଅଗଷ୍ଟ ମାସରେ ଆସିଥିଲା ଶିବା । ସେବେଠୁ ପାରୋଲୋରେ ଆସି ୫ ଜଣଙ୍କ ଚେନ ଛଡାଇ ଫେରାର ଥିଲା ଶିବା। ମହିଳା ଓ ଯୁବତୀଙ୍କୁ କରୁଥିଲେ ସଫ୍ଟଟାର୍ଗେଟ। ଶିବା ନାଁରେ କେବଳ ଭୁବନେଶ୍ୱରର କ୍ୟାପିଟାଲ, ଖଣ୍ଡଗିରି, ଏୟାରପୋର୍ଟ ଓ ଏୟାରଫିଲଡ ଥାନାରେ ରହିଛି ୧୫ ମାମଲା ।
ଅଭିଯୁକ୍ତ ହେଉଛନ୍ତି ଝରଣା ବସ୍ତି ଭୁବନେଶ୍ୱରର ଶିବ ଓରଫ ମଦନ ମୋହନ ମହାରଣା ଓ ପୁରୀର ମୁନା ଓରଫ ଅଶୋକ କୁମାର ମିଶ୍ର। ସିସିଟିଭି ଫୁଟେଜ ଆଧାରରେ ଧରା ହେଲା ଅଭିଯୁକ୍ତ। ଅଭିଯୁକ୍ତ ନିକଟରୁ ୪ଟି ସୁନା ଚେନ, କାନ ଫୁଲ, ମୋବାଇଲ ଓ ପଲସର ଜବତ ହୋଇଛି।
