ଭୁବନେଶ୍ବର : ମୋ ବସ ଗଡୁଥିଲା, ଆଜିଠୁ ଗଡ଼ିଲା ମୋ ସାଇକଲ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍ଘାଟନ କରିଛନ୍ତି । ରାଜଧାନୀ ରାସ୍ତାରେ ଏବେ ଏପରି ସାଇକେଲ ଗଡ଼ିବ। ସାଇକଲ ବୁକ୍ କରି ଯାଆ ଆସ କରି ହେବ। ପ୍ରତି ବସ୍ ଷ୍ଟପ୍ରେ ମିଳିବ ସାଇକଲ।
ଆରମ୍ଭ ହୋଇଛି ମୋ ସାଇକେଲ ବ୍ୟବସ୍ଥା । ପ୍ରଥମ କିଛି ଦିନ ଏହା ମାଗଣାରେ ଉପଲବ୍ଧ ହେବ। ଏହା ପରେ ଘଣ୍ଟା ପ୍ରତି ଦେୟ ଦେବାକୁ ପଡ଼ିବ। ସାଇକେଲ ବୁକିଂ ଓ ଦେୟ ପାଇଁ ଉନ୍ମୋଚିତ ହୋଇଛି ଆପ୍। ପ୍ରତିଟି ସାଇକଲେରେ ମୋବାଇଲ ସିମ୍ ଭଳି ଏକ ସିମ୍ କାର୍ଡ ରହିବ। ଯାହା ମଧ୍ୟାମରେ ରହିବ ଇଣ୍ଟରନେଟ୍ ସଂଯୋଗ। ପ୍ରତିଟି ସାଇକେଲର ରହିବ ଏକ ୟୁନିକ୍ କୋଡ।
ଭୁବନେଶ୍ୱରରେ ୪୦୦ଟି ସାଇକେଲ ଷ୍ଟେସନ ହେବ । ପ୍ରଥମ ପର୍ଯ୍ଯାୟରେ ୧ ହଜାର ସାଇକେଲ ପାଇଁ ୧୦୦ଟି ସାଇକେଲ ଷ୍ଟେସନ ନିର୍ମିତ ହୋଇଛିା ପ୍ରଥମ ୩୦ମିନିଟ୍ ଫ୍ରି ସେବା ପାଇବେ ଗ୍ରାହକ । ୧୦୦ଟଙ୍କାର ମେମ୍ବର ସିପ୍ ଫି ଦେବାକୁ ପଡିବ । ସବୁ କିଛି ହେବ ଅନଲାଇନ୍ରେ ।
ସାଇକଲରେ ଗମନାଗମନ ଦ୍ୱାରା ପରିବେଶ ପ୍ରଦୂଷଣ ମାତ୍ର କମିବ। ଶରୀର ସୁସ୍ଥ ରହିବ । ଭୁବନେଶ୍ୱରରେ ମୋ ସାଇକେଲ ସେବା ପାଇଁ ସରକାରଙ୍କ ପକ୍ଷରୁ ବ୍ୟପକ ବ୍ୟବସ୍ଥା କରାଯାଇଛି।