ଭୁବନେଶ୍ୱର: ରାଜ୍ୟରେ କରୋନା ନେଇଛି ଆଉ ୩ ଜୀବନ । ଏହାକୁ ମିଶାଇ ରାଜ୍ୟରେ ମୃତ୍ୟୁ ସଂଖ୍ୟା ୨୧କୁ ବୃଦ୍ଧି । କଟକ, ଖୋର୍ଦ୍ଧା, ଗଞ୍ଜାମ ଜିଲ୍ଲାରୁ ଜଣେ ଲେଖାଏଁ ମୃତ । ଏନେଇ ଟ୍ୱିଟ ଜରିଆରେ ସୂଚନା ଦେଇଛନ୍ତି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ମିଳିଥିବା ସୂଚନା ଅନୁଯାୟୀ, ଗଂଜାମ ଜିଲ୍ଲାର ମୃତକ ଜଣଙ୍କ ୭୫ ବର୍ଷୀୟ ବୃଦ୍ଧ ହୋଇଥିବା ବେଳେ ସେ ଦୀର୍ଘ ଦିନ ହେବ ମଧୁମେହ ଓ ଉଚ୍ଚ ରକ୍ତଚାପ ଜନିତ ରୋଗରେ ପୀଡିତ ଥିଲେ । ପରେ ତାଙ୍କ କରୋନା ରିପୋର୍ଟ ପଜିଟିଭ ଆସିଥିଲା ।
Regret to inform the demise of three #COVID19 positive patients while under treatment in hospital.
A 75 year old male of Ganjam district, who was also suffering from Diabetes and Hypertension.
— H & FW Dept Odisha (@HFWOdisha) June 28, 2020
ଯେବେକି କଟକ ଜିଲ୍ଲାର ଚିହ୍ନଟ ମୃତକ ଜଣଙ୍କ ହେଉଛନ୍ତି ୬୫ ବର୍ଷୀୟ ବ୍ୟକ୍ତି । ସେ ମଧ୍ୟ ଦୀର୍ଘ ଦିନ ହେବ ମଧୁମେହ, ଉଚ୍ଛାରକ୍ତଚାପ, କିଡ୍ନୀ ଜନିତ ରୋଗରେ ଆକ୍ରାନ୍ତ ଥିଲେ । ପରେ ତାଙ୍କ କରୋନା ରିପୋର୍ଟ ପଜିଟିଭ ଆସିଥିବା ବେଳେ ହସ୍ପିଟାଲରେ ରହି ଚିକିତ୍ସିତ ହେଉଥିଲେ |
A 65 year old male of Cuttack district, who was also suffering from Diabetes, Hypertension and Chronic Kidney Disease.
A 73 year old male of Bhubaneswar, who was also suffering from Diabetes, Hypertension and Chronic Kidney Disease.
— H & FW Dept Odisha (@HFWOdisha) June 28, 2020
ଅନ୍ୟପକ୍ଷରେ ଖୋର୍ଦ୍ଧ ଜିଲ୍ଲାର ମୃତକ ଜଣଙ୍କ ହେଉଛନ୍ତି ରାଜଧାନୀ ଭୁବନେଶ୍ୱରର ମୂଳ ବାସିନ୍ଦା । ତାଙ୍କ ବୟସ ୭୩ ବର୍ଷ ବୋଲି ଜଣାଯାଇଛି । ମିଳିଥିବା ସୂଚନାରୁ ଜଣାଯାଇଛିଯେ ସେ ମଧ୍ୟ ଦୀର୍ଘ ଦିନ ହେବ ଡାଇବେଟିସ, ହାଇପରଟେନସନ, କିଡ୍ନୀ ଜନିତ ରୋଗରେ ଆକ୍ରାନ୍ତ ଥିଲେ । କହିରଖିବା ଉଚିତ ହେବକି, ଏଯାବତ ରାଜ୍ୟରେ ୨,୫୫,୮୦୯ ଟି ଟେଷ୍ଟ ସାରିଲଣି ।ଏଯାବତ ୧୯୮୦ଟି ଆକ୍ଟିଭ କେଶ ରହିଥିବା ବେଳେ ୪୬୦୬ ଜଣ ସୁସ୍ଥ ହୋଇଛନ୍ତି ।