ବ୍ରିଜ୍ କାମ ଚାଲିଥିବା ବେଳେ ଅଘଟଣ, ସଟର ତଳେ ଚାପିହୋଇ ଶ୍ରମିକ ମୃତ
ରାୟଗଡା(କେନ୍ୟୁଜ୍) : ବିଜୁ ସେତୁ ଯୋଜନାରେ ନିର୍ମାଣ ବ୍ରିଜ କାମ କରିବା ବେଳେ ଅଘଟଣ। ସଟର ତଳେ ଚାପିହୋଇ ଶ୍ରମିକଙ୍କ ମୃତ୍ୟୁ। ମୃତ ଶ୍ରମିକଙ୍କ ନାମ କାସରି ମାଝି । ତାଙ୍କ ଘର କାଶୀପୁର ଅଞ୍ଚଳର ବୋଲି ଜଣାପଡିଛି। ଏହି ଖବର ପାଇବାପରେ ଘଟଣାସ୍ଥଳରେ ପୋଲିସ ପହଞ୍ଚିଛି। ଘଟଣାଟି ରାୟଗଡ଼ା ଜିଲ୍ଲା କଲ୍ୟାଣସିଂହପୁର ଥାନା ସଦର ବଡ଼ଦ୍ୱାରସାହି କଲ୍ୟାଣୀ ନଦୀରେ ଘଟିଛି ।
ବର୍ତ୍ତମାନ ସୁଦ୍ଧା ଅନ୍ଯ ଶ୍ରମିକମାନେ ଉଦ୍ଧାର ହୋଇ ପାରିନାହାନ୍ତି। ତେବେ ଉଦ୍ଧାର କାର୍ଯ୍ଯ ଜାରି ରହିଛି। ସୂଚନା ଥାଉକି, ଏହି ବିଜୁ ସେତୁ ନିର୍ମାଣ କାର୍ଯ୍ଯ ଗତ ୦୧.୦୧.୨୦୧୯ ଠାରୁ ଚାଲିଛି। ଏନେଇ କାହାର ପ୍ରତିକ୍ରିୟା ମିଳିପାରିନାହିଁ।
