ପୋଲିସ କରୁଛି ପୋଲିସର ତଦନ୍ତ: ଚୋରା କାଠ କାରବାରରେ ଗିରଫ ୪ ଓଏସ୍ଏପି ଯବାନଙ୍କୁ ଚାଲିଛି ପଚରାଉଚରା
ଗଜପତି(କେନ୍ଯୁଜ୍): ପୋଲିସ କରୁଛନ୍ତି ପୋଲିସର ତଦନ୍ତ । ଚୋରା କାଠ କାରବାରରେ ସାମିଲ ପୋଲିସ । ଗିରଫ ହୋଇଛନ୍ତି ୪ ଓଏସ୍ଏପି ଜବାନ। ଜବତ ହୋଇଛି ପୋଲିସ ଗାଡ଼ି ଓ ୬୫ ହଜାର ଟଙ୍କାର କାଠ। ଘଟଣାରେ ବିଭାଗୀୟ ତଦନ୍ତ ଆରମ୍ଭ ହୋଇଛି। ଏଡିଜି ଆର୍ପି କୋଚେ ଏହାର ତଦନ୍ତ କରୁଛନ୍ତି। ୬ ଜଣ ବନକର୍ମଚାରିଙ୍କୁ ଏଡିଜି ପଚରାଉଚରା କରାଯାଇଛି।
ଆଜି ମଧ୍ୟ କିଛି ବରିଷ୍ଠ କର୍ମଚାରୀଙ୍କ ବୟାନ ରେକର୍ଡ କରାଯିବ। ଗତ ୩ ତାରିଖ ଦିନ ଗଜପତି ଜିଲ୍ଲା ଦେବଗିରି ରେଞ୍ଜ ପକ୍ଷରୁ ପୋଲିସ ଗାଡ଼ି ସହ କାଠ ଜବତ କରାଯାଇଥିଲା। ପାରଳାଖେମୁଣ୍ଡି ରିଜର୍ଭ ତୃତୀୟ ବାଟାଲିଆନ କୋଲୋନୀରୁ କାଠ ଭୁବନେଶ୍ୱର ଯାଉଥିଲା। ଏ ଘଟଣାରେ ୪ ଜଣ ଓଏସ୍ଏପି ଜବାନଙ୍କ ସମ୍ପୃକ୍ତି ଅଭିଯୋଗ ଥିବାରୁ ପୋଲିସ ଏଡିଜି ଆର୍ପି କୋଚେ ଏହାର ବିଭାଗୀୟ ତଦନ୍ତ ଆରମ୍ଭ କରିଛନ୍ତି। ପ୍ରଶ୍ନ ଉଠିଛି କାଠ କେଉଁଠୁ କଟା ହେଲା, ଲୋଡ୍ କେଉଁଠାରେ ହେଲା ଏବଂ ଭୁବନେଶ୍ୱର କାହାପାଖକୁ ଯାଉଥିଲା।
