ବାଲିଗୁଡା: ସାରା ଦେଶରେ ୨୧ ଦିନ ପାଇଁ ଲକ୍ ଡାଉନ ଘୋଷଣା ହୋଇଥିବା ବେଳେ ଏହାକୁ ଖୋଲାଖୋଲି ଉଲଂଘନ କରି ହଟହଟା ହୋଇଛନ୍ତି ବାଲିଗୁଡାର କିଛି ଯୁବକ । ବାରମ୍ବାର ପ୍ରଶାସନର ପ୍ରଚାର ଓ ପ୍ରସାର ସତ୍ୱେ କିଛି ଯୁବକ ଅମାନିଆ ହୋଇ ରାତିରେ ବୁଲୁଥିବା ବେଳେ ସେମାନଙ୍କୁ ଧରି ଆଣି ଅଭିନବ ଉପାୟରେ ସଚେତନ କରିଛି ପୋଲିସ୍ । ବାଲିଗୁଡା ବସଷ୍ଟାଣ୍ଡ ନିକଟରେ ଅମାନିଆ ଗ୍ୟାଙ୍ଗ ଓ ହିନସ୍ତିଆ ଗାଡି ନାମରେ ଦୁଇଟି ବ୍ୟାନର ମାରି ସେମାନଙ୍କୁ ଠିଆ କରାଯାଇଛି । ସମଦୂରତ୍ୱ ସର୍କଲ ମଧ୍ୟରେ ଠିଆ କରି ହାତରେ ପୋଷ୍ଟର ଧରାଇ ସାବାଡ କରିଛି ।