ଅଭାବୀର ଛାୟା ତଳେ ଥିବା ବାପ ଛେଉଣ୍ଡ ଝିଅର କୃତିତ୍ୱ, ପରିବାରର ଭାର ସମ୍ଭାଳି ମାଟ୍ରିକ ପରୀକ୍ଷାରେ ରଖିଛି ୫୬୮ ନମ୍ବର

ନରସିଂହପୁର(କେନ୍ୟୁଜ୍):  କଠିନ ପରିଶ୍ରମ ଓ ମନୋବଳ ଆଗରେ ହାର ମାନିଛି ଦାରିଦ୍ରତା । ଏପରି ଉଦାହରଣ ଦେଖିବାକୁ ମିଳିଛି କଟକ ଜିଲ୍ଲା ବଡ଼ମ୍ବା ବ୍ଲକ ରତାପାଟ ଗାଁରେ । ପରିବାରର ଭାର ସମ୍ଭାଳିବା ସହ ଚଳିତ ବର୍ଷ ମାଟ୍ରିକ ପରୀକ୍ଷାରେ ୫୬୮ ନମ୍ବର ରଖି ସେ ବଡ଼ମ୍ବା ବ୍ଲକ ଟପର ହୋଇଛନ୍ତି ଶୁଭଲକ୍ଷ୍ମୀ ଧଳ । ଯାହାକୁ ନେଇ ଅଞ୍ଚଳବାସୀ  ବେଶ୍ ଖୁସି ହୋଇଛନ୍ତି। ବିଭିନ୍ନ ମହଲରୁ ଶୁଭେଚ୍ଛା ସହ ଅଭିନନ୍ଦନର ସୁଅ ଛୁଟିଛି ।

୪ ବର୍ଷ ତଳେ ବାପା ଆର ପାରିକୁ ଚାଲିଯାଇଥିବା ବେଳେ ବିଧବା ମା ଓ ସାନ ଭାଇକୁ ନେଇ ତାଙ୍କ ସଂସାର । ଆଗକୁ ଡାକ୍ତର ହେବାର ଲକ୍ଷ୍ୟ ରଖିଥିଲେ ବି ଦାରିଦ୍ର ସୀମାରେଖା ତଳେଥିବା ଏହି ଛାତ୍ରୀ ଜଣଙ୍କ ଆଗକୁ କିପରି ପଢ଼ିବେ ସେହି ଚିନ୍ତାରେ । ତେବେ ଏ କ୍ଷେତ୍ରରେ ଅର୍ଥ ବାଧକ ହେବନାହିଁ ଓ ସେ ପଢିବା ପାଇଁ ସରକାରଙ୍କ ତରଫରୁ ଯାହା ସାହାଯ୍ୟ ମିଳିବା କଥା ତାହା ଯୋଗାଇ ଦିଆଯିବ ବୋଲି କହିଛନ୍ତି ସ୍ଥାନୀୟ ବିଧାୟକ।